web counter
LEXO PA REKLAMA!

SHKARKO APP

App Store
Google Play

Tragjedia në Koçan/ Zgjerohen hetimet me 50 të dyshuar të tjerë

13 Prill 2025, 22:10, Kosova & Bota CNA

Tragjedia në Koçan/ Zgjerohen hetimet me 50 të dyshuar të

Vijojnë hetimet intensive për ngjarjen tragjike në Koçan të Maqedonisë së Veriut, ku nga zjarri i rënë në një diskotekë humbën jetën 61 persona.

Mësohet se tanimë hetimet janë zgjeruar edhe me 50 persona të tjerë, që dyshohen për ngjarjen. Deri më tani të dyshuar janë 47 persona fizikë dhe 3 persona juridikë.

Hetimi përfshin një sërë ish-zyrtarësh dhe aktualë, lëshimet e të cilëve lejuan që klubi të funksiononte pa i plotësuar kushtet. Në mesin e të dyshuarve janë edhe tre ish-kryetarë komunash dhe tre inspektorë ndërtimor nga Komuna e Koçanit, të cilët sipas hetimeve nuk kanë kryer fare kontroll inspektues edhe pse objekti në mënyrë të kundërligjshme ishte shndërruar në ambient argëtimi. 

Prokurori publik shtetëror Ljubomir Kocevski, bëri të ditur se për 4 persona kërkohet paraburgim, për 7 persona arrest shtëpiak me ndalim komunikimi dhe për 7 të tjerë janë propozuar masa parandaluese. Një nga të dyshuarit nuk ndodhet brenda shtetit.

“Gjithashtu, Drejtoria për Mbrojtje dhe Shpëtim ka dyshuar për tre persona të cilët ndër vite nuk kanë bërë asnjë inspektim apo monitorim të objektit. Ata me veprimet e tyre të papërgjegjshme i ekspozuan qytetarët në rrezik serioz për jetën dhe shëndetin e tyre”,-tha Kocevski.

Hetimi është në vazhdim dhe po ndërmerren veprime të reja hetimore./CNA





Lajmet e fundit nga