E fundit!

19:14 Politikë

“Të pafytyrët na quajnë tradhtarë”/ Rama: Po të kishin gojë flamingot do flisnin, nuk kanë habitat në Shqipëri

Kryeministri e njëkohësisht kryesocialisti Edi Rama, duke ...

Përkujtimore për dëshmorët/ Kurti bën homazhe në Krushë të Madhe dhe në Sllatinë të Kaçanikut

13 Prill 2025, 20:42, Kosova & Bota CNA

Përkujtimore për dëshmorët/ Kurti bën homazhe në

Kryeministri i Kosovës, Albin Kurti bëri sot homazhe në në Krushë të Madhe dhe në Sllatinë të Kaçanikut. Kurti mori pjesë në përkujtimoren e dëshmorëve të rënë në luftë.

Kurti ishte në Sllatinë të Kaçanikut, për nder të 26 vjetorit të rënies së gjashtë dëshmorëve dhe 13 martirëve.

Kështu bëhet e ditur në komunikatën e Zyrës së Kryeministrit në të cilën thuhet se më 13 prill 1999, forcat e serbe kishin rrethuar lagjen e Vatës dhe fshatin Sllatinë.

“Pas një breshërie të pamëshirshme granatash, ata hynë me egërsi, plaçkitën e djegën shtëpitë duke vrarë mizorisht edhe 13 shqiptarë të paarmatosur dhe të pafajshëm”- thuhet në njoftim.

Po ashtu, gjatë ditës së sotme, Kurti, ka bërë homazhe edhe në Kompleksin përkujtimor të dëshmorëve në Krushë të Madhe, si dhe te vendi i rënies së dëshmorëve të kombit Dalip Behra dhe Bekim Gashi, në 26-vjetorin e rënies së tyre.

“Dalip Behra dhe Bekim Gashi janë frymëzuar nga kënga shqipe, janë frymëzuar nga heronjtë, dëshmorët dhe martirët, e betejave më të hershme të etapave të të kaluarës të kombit tonë, por edhe nga shkrimet, mësimet, e intelektualëve të mëdhenj të popullit tonë, e në krye të herës padyshim që duhet vendosur profesor Ukshin Hoti, bacën Ukë, të cilit i ka qëndruar gjithmonë pranë pikërisht Ismet Gashi, babai i dëshmorit Bekim Gashi. Brezat kur lidhen ata e formojnë historinë, por në të njëjtën kohë edhe trasojnë rrugën për të ardhmen. Ne e përkujtojmë sa i madh ishte çmimi i lirisë, sa e lartë ishte sakrifica e tyre, por edhe sa fisnike është përgjegjësia e jonë teksa e vazhdojmë rrugën e tyre”- tha Kurti.

Në vijim të fjalës së tij, theksoi se luftëtarët e UÇK-së kishin dy detyra: njëra ishte të përballeshin në beteja me forcat armike të okupatorit serb e tjetra ishte ta mbronin popullsinë civile./CNA