web counter
LEXO PA REKLAMA!

SHKARKO APP

App Store
Google Play

E fundit!

x

Sudani njeh Pavarësinë e Republikës së Kosovës

12 Prill 2025, 20:06, Kosova & Bota CNA

Sudani njeh Pavarësinë e Republikës së Kosovës

Shteti i Sudanit ka njohur sot Pavarësinë e Kosovës. Presidentja e Kosovës, Vjosa Osmani ka njoftuar këtë të shtunë pas takimit me ministrin e Jashtëm të këtij shteti, në vijim të Forumit Diplomatik të Antalias.

Ajo ka publikuar një video në rrjetin social ‘X’ krah ministrit të Jashtëm sudanez, Ali Yousuf al-Sharif. Osmani thotë se ka marrë njoftimin nga ministri Yousuf se presidenti i Sudanit ka vendosur ta njohë Kosovën dhe se të dyja shtetet do të lidhin marrëdhënie diplomatike.

“Faleminderit në emër të popullit të Republikës së Kosovës. Ky është fillimi i një partneriteti të mrekullueshëm”,- ka shkruar Osmani.

Ministri i Jashtëm i Sudanit, Ali Youssef, ka thënë se mezi pret thellimin e raporteve ndërshtetërore dhe ka ftuar Osmanin për vizitë në Sudan.

Sudani është shtet në Afrikën Veriore, me popullsi rreth 50 milionë banorë dhe është shteti i tretë më i madh në këtë kontinent.  

Njohja nga Sudani vjen disa javë pas njohjes që u konfirmua nga Kenia. Tanimë Kosova njihet nga 119 shtete./CNA

 

 

 

 

 





Lajmet e fundit nga