web counter
LEXO PA REKLAMA!

SHKARKO APP

App Store
Google Play

Miratohet ndryshimi në Kosovë/ Rritet me 16% çmimi i energjisë elektrike

11 Prill 2025, 19:51, Kosova & Bota CNA

Miratohet ndryshimi në Kosovë/ Rritet me 16% çmimi i

Bordi i Zyrës së Rregullatorit për Energji të Kosovës miratoi sot kërkesat e tre operatorëve të energjisë për të ardhurat maksimale të lejuara, duke e rritur çmimin e energjisë elektrike me 16%.

Në njoftimin e ZRRE-së thuhet se rritja mesatare e tarifave për të gjitha kategoritë e konsumatorëve bazuar në të ardhurat maksimale të lejuara është rreth 16%.

Siç raportojnë mediat në Kosovë, të ardhurat maksimale për Kompaninë e Kosovës të Furnizimit me Energji Elektrike janë 435 milionë euro, pavarësisht se kërkesa e tyre fillestare ishte 447 milionë euro. Ndërkaq, ZRRE ka vendosur që të ardhurat maksimale për Kompaninë e Kosovës të Shpërndarjes së Energjisë Elektrike për vitin 2025 të jenë 180 milionë euro, pavarësisht se kërkesa e tyre është 180 milionë euro. Në anën tjetër, të ardhurat maksimale për Operatorin e Sistemit, Transmisionit dhe Tregut janë përcaktuar në 101 milionë euro.

Çmimi aktual i energjisë elektrike për konsumatorët që konsumojnë deri në 800 kilovat brenda një muaji është 7.79 cent për kilovat, ndërsa për ata që konsumojnë mbi 800 kilovat, pjesa mbi këtë llogaritet me çmimin 14.45 cent.

Nga ora 22:00 deri në orën 07:00, çmimi për kilovat është 3,34 cent për ata që shpenzojnë deri në 800 kilovat dhe 6,81 cent për ata që shpenzojnë më shumë.

ZRRE bën rishikimin vjetor dhe vendosjen e tarifave të reja të energjisë elektrike, të cilat shpallen çdo vit dhe janë të vlefshme deri më 31 mars të vitit vijues./CNA

 

 





Lajmet e fundit nga