web counter
LEXO PA REKLAMA!

SHKARKO APP

App Store
Google Play

Forumi i Diplomacisë në Antalya/ Osmani: Të hapim kapituj të rinj bashkëpunimi

11 Prill 2025, 22:25, Kosova & Bota CNA

Forumi i Diplomacisë në Antalya/ Osmani: Të hapim kapituj të

Presidentja e Kosovës, Vjosa Osmani ndodhet në një vizitë punë në Antalya të Turqisë, ku po merr pjesë në Forumin Diplomatik Antalia 2025. Osmani ishte pjesë e diskutimit të sotëm me temë “Rikthimi i diplomacisë në një botë të fragmentuar”.

Në fjalën e saj para shumë pjesëmarrësve, Osmani vuri theksin tek aleanca e palëkundur me Shtetet e Bashkuara të Amerikës, marrëdhëniet strategjike me Turqinë, dhe sfidat që shoqërojnë dialogun me Serbinë.

Osmani zhvilloi edhe takime me disa krerë shtetesh.

“Pata kënaqësinë të takohem me Presidentin e Republikës së Sierra Leones, Julius Maada Bio.

Diskutuam për forcimin e marrëdhënieve bilaterale ndërmjet dy shteteve. Gjithashtu, diskutuam edhe mundësitë konkrete të bashkëpunimit në fusha të ndryshme të interesit të përbashkët.

Shkëmbyem po ashtu ftesat për vizita respektive në vendet tona, për t`i forcuar më tej lidhjet tona miqësore dhe për të hapur kapituj të rinj bashkëpunimi”,-shprehet Osmani.

Ndër të tjera, Osmani u takua me herët edhe me presidentin turk. Osmani vlerësoi rolin e Erdogan, si një zë i fuqishëm i miqësisë dhe vizionit të përbashkët.

“Presidenti Erdo?an është lider që i qëndroi Kosovës pranë gjithmonë, në çdo sfidë e në çdo sukses. Ai është një zë i fuqishëm i miqësisë dhe vizionit të përbashkët.

Një mik i dëshmuar i Kosovës, një zë i fuqishëm për të drejtën tonë, dhe një shtyllë e fortë mbështetjeje në çdo etapë të shtetndërtimit tonë.

Turqia është dhe do të mbetet një partner kyç për paqen, sigurinë dhe zhvillimin rajonal. Marrëdhëniet tona janë më shumë se miqësi, janë një partneritet i ndërtuar mbi besim, respekt dhe vizion të përbashkët për të ardhmen”,-shprehet Osmani./CNA

 

 





Lajmet e fundit nga