web counter
LEXO PA REKLAMA!

SHKARKO APP

App Store
Google Play

Të shtëna mes policisë dhe një grupi të armatosur në Zubin Potok

30 Dhjetor 2023, 15:37, Kosova & Bota CNA

Pasditen e sotme, në fshatin Bube të Zubin Potokut ka pasur shkëmbim zjarri mes policisë dhe disa grupeve të armatosura. 

Në përpjekje për t’i ndaluar dhe kontrolluar automjetet e dyshuara, policia ka hasur në rezistencë të armatosur nga persona. 

Gjatë aksionit të policisë është arrestuar një prej agresorëve. 

“Të ndodhur në një situatë të tillë, për të mbrojtur veten dhe vënë situatën nën kontroll, zyrtarët policorë i janë kundërpërgjigjur sulmit po ashtu me armë dhe kanë arritur ta arrestojnë njërin nga të dyshuarit: D.I., (viti i lindjes 1981, mashkull serb kosovar nga Z.Potoku). Gjatë shkëmbimit të zjarrit, zyrtarët policorë dhe i arrestuari nuk kanë pësuar lëndime”, ka thënë Policia në një njoftim për media, raporton Klankosova.tv.

Gjatë kontrollit të kamionit, policia tha se janë gjetur të ngarkuara 40 copë dele, pa dokumentacion përcjellës e që dyshohet se janë kontrabanduar nga Serbia për në Republikën e Kosovës

“Në vendin e ngjarjes kanë dalë njësitet përkatëse policore, përfshirë IPK-në dhe për rastin është njoftuar prokurori. Ndaj të dyshuarit është iniciuar rasti kundrejt dy veprave penale: ‘sulmi ndaj personit zyrtar’ dhe ‘kontrabanda e mallrave’”, njoftoi policia./CNA





Lajmet e fundit nga