web counter
LEXO PA REKLAMA!

SHKARKO APP

App Store
Google Play

E fundit!

x

Të plagosur me armë në protestën në Sri Lankë, qeveria e gatshme për dorëheqje

9 Korrik 2022, 23:07, Kosova & Bota CNA
Të plagosur me armë në protestën në Sri Lankë,
Protesta në Sri Lanka

Të paktën 55 persona janë plagosur në protestën e dhunshme që ka përfshirë kryeqytetin e Sri Lankës, Kolombo, këtë të shtunë.

Sipas autoriteteve vendase, tre prej tyre janë plagosur me armë zjarri, shkruan "CNN".

Në lidhje me protestën ka reaguar edhe kryeministri Ranil Wickremesinghe, ku bëri me dije se është i gatshëm të japë dorëheqjen.

“Për të siguruar vazhdimësinë e qeverisë duke përfshirë sigurinë e të gjithë qytetarëve, unë pranoj rekomandimin më të mirë të liderëve të partisë sot, për t’i hapur rrugë një qeverie shumëpartiake”, shkroi Wickremesinghe në "Twitter".

Kryeqyteti i Sri Lankës është përfshirë nga protestat këtë të shtunë për shkak të krizës ekonomike në vend. Protestuesit kanë sulmuar godinat qeveritare, përfshirë rezidencën presidenciale në Kolombo.

Qytetarët kërkojnë dorëheqjen e presidentit, i konsideruar përgjegjës për krizën ekonomike që ka pushtuar vendin, me një inflacion rekord, mungesë karburanti, energjie elektrike dhe ushqimesh.

Ishulli prej 22 milionë banorësh po përballet me krizën më të keqe ekonomike që nga pavarësia në 1948-ën./CNA.al





Lajmet e fundit nga