web counter
LEXO PA REKLAMA!

SHKARKO APP

App Store
Google Play

E fundit!

x

Të paktën 40 viktima nga përmbytjet në Korenë e Jugut, situata pritet të përkeqësohet

17 Korrik 2023, 09:09, Kosova & Bota CNA

Të paktën 40 viktima nga përmbytjet në Korenë e Jugut,

 

Të paktën 40 njerëz kanë humbur jetën në Korenë e Jugut si pasojë e shirave të rrëmbyeshëm, përmbytjeve dhe rrëshqitjeve të dheut. Ende nuk dihet numri i saktë i personave që kanë humbur jetën. 

Të paktën 15 automjete, duke përfshirë një autobus - u bllokuan në nënkalim të shtunën, kur u derdhën ujërat nga një breg lumi aty pranë.

Deri më tani janë gjetur nëntë të mbijetuar. Ndërkohë, familjet e të zhdukurve presin me ankth informacionin në një spital lokal.

“Nuk kam asnjë shpresë, por nuk mund të largohem”, tha një prind i njërit prej të zhdukurve në tunel për agjencinë lokale të lajmeve "Yonhap".

"Zemra ime ngërthehet duke menduar se sa e dhimbshme duhet të ketë qenë për djalin tim në ujin e ftohtë", u shpreh një tjetër. 

Koreja e Jugut po përjeton një nga sezonet e saj më intensive të musoneve verore në histori, me rrebeshe të dendura gjatë javës së kaluar që shkaktuan përmbytje, rrëshqitje dheu dhe ndërprerje të energjisë në të gjithë vendin.

Më shumë shira të rrëmbyeshëm priten këtë javë, ku pasojat do të jenë edhe më të mëdha. 
Presidenti i Koresë së Jugut, Yoon Suk-yeol u zotua të hënën se do ndryshojë mënyrën se si vendi reagon ndaj ngjarjeve të tilla ekstreme të motit.

 

 





Lajmet e fundit nga