web counter
LEXO PA REKLAMA!

SHKARKO APP

App Store
Google Play

E fundit!

x

Intensifikohen luftimet në lindje të Ukrainës

16 Korrik 2023, 16:59, Kosova & Bota CNA

Intensifikohen luftimet në lindje të Ukrainës

Luftimet në Ukrainën lindore janë "intensifikuar në një farë mase" ndërsa forcat ukrainase dhe ruse po luftojnë në të paktën tre zona në frontin lindor, tha të dielën zëvendësministrja ukrainase e Mbrojtjes Hanna Maliar.

Kievi filloi një kundërofensivë muajin e kaluar në përpjekje për të rimarrë territorin e pushtuar nga Rusia.

Zonja Maliar tha në Telegram se forcat ruse kanë sulmuar në drejtim të Kupyanskit në rajonin e Kharkivit për dy ditë me radhë dhe se ushtritë e dy vendeve po luftojnë rreth qytetit të rrënuar të Bakhmutit, por se forcat ukrainase po "përparojnë gradualisht" përgjatë krahut jugor të tij.

Ajo shtoi se trupat e Kievit po frenonin gjithashtu sulmet ruse pranë Avdiivkas dhe Maryinkas.

Një zëdhënës i komandës jugore të ushtrisë tha të dielën në një deklaratë të veçantë se forcat ukrainase kishin përparuar më shumë se një kilometër në një pjesë të frontit jugor.

Kievi ka bërë përparime në rritje në pjesë të lindjes dhe jugut që nga nisja e kundërofensivës.

Presidenti rus Vladimir Putin tha në një intervistë për televizionin shtetëror, një pjesë e së cilës u publikua të dielën, se operacioni ukrainas "nuk po shënonte sukses" dhe se përpjekjet për të thyer mbrojtjen ruse kishin dështuar./ VOA





Lajmet e fundit nga