web counter
LEXO PA REKLAMA!

SHKARKO APP

App Store
Google Play

E fundit!

x

Takim global i OKB-së në Spanjë/ Synohet mbledhje e fondeve për të luftuar varfërinë

30 Qershor 2025, 20:43, Kosova & Bota CNA

Takim global i OKB-së në Spanjë/ Synohet mbledhje e fondeve

Shumë nga vendet e botës u mblodhën në Spanjë të hënën, në një përpjekje për të trajtuar hendekun në rritje midis kombeve të pasura dhe të varfra dhe për të mbledhur triliona dollarë të nevojshëm për ta mbyllur atë.

"Financimi është motori i zhvillimit. Dhe tani, ky motor po dështon",-tha Sekretari i Përgjithshëm i Kombeve të Bashkuara, Antonio Guterres, në komentet e tij hapëse në takimin katër-ditor të Financimit për Zhvillim në Sevilje.

Shumë vende përballen me barrë borxhi në rritje, rënie të investimeve, ulje të ndihmës ndërkombëtare dhe rritje të barrierave tregtare.

Bashkë-organizatorët, OKB-ja dhe Spanja besojnë se takimi katër-ditor është një mundësi për të mbyllur hendekun marramendës vjetor të financimit prej 4 trilionë dollarësh për të nxitur zhvillimin, për të nxjerrë miliona njerëz nga varfëria dhe për të ndihmuar në arritjen e Objektivave të Zhvillimit të Qëndrueshëm të OKB-së për vitin 2030, të cilat janë shumë të prapambetura.

Edhe pse takimi vjen në mes të pasigurisë ekonomike globale dhe tensioneve gjeopolitike, ka shpresë se bota mund të adresojë një nga sfidat më të rëndësishme globale: sigurimin që të gjithë njerëzit të kenë qasje në ushqim, kujdes shëndetësor, arsim dhe ujë./CNA





Lajmet e fundit nga