web counter
LEXO PA REKLAMA!

SHKARKO APP

App Store
Google Play

Napoli goditet nga tërmeti më i fortë në 40 vite/ Pezullohen linjat e trenave

30 Qershor 2025, 16:07, Kosova & Bota CNA

Napoli goditet nga tërmeti më i fortë në 40 vite/ Pezullohen

Napoli është goditur nga tërmeti më i fortë në 40 vitet e fundit, pas një tërmeti me magnitudë 4.6 ballë në qytetin jugor italian. Dridhja bëri që njerëzit të dilnin me nxitim në rrugë, si dhe vonesa të mëdha në trenat lokalë dhe shërbimet e metrosë.

Disa raportime thonë se ka pasur ndërprerje të energjisë elektrike në të gjithë qytetin. Tërmeti më i madh u pasua nga tre dridhje të tjera më të vogla nën një magnitudë prej dy ballësh.

Epiqendra ishte pranë Bacolit, afërsisht 10 milje në perëndim të Napolit dhe në një thellësi prej rreth tre miljesh.

Agjencia italiane e lajmeve ANSA e përshkroi tërmetin si më të fortin në 40 vitet e fundit. Luigi Manzoni, kryebashkiaku i qytetit të afërt të Pozzuolit, tha: “Tërmeti për të cilin paralajmëruam ishte i fortë, por për momentin nuk ka raportime për dëme. Epiqendra ishte në Bacoli, por ne po përballemi me një situatë që duhet monitoruar orë pas ore. Vullnetarët tanë janë tashmë në qytet duke e kontrolluar situatën nga afër.”

Nuk është raportuar për dëme ose lëndime. Ky rajon vullkanik i Italisë njihet si veçanërisht i prirur ndaj tërmeteve për shkak të pozicionit të tij pranë pikës së takimit të pllakave tektonike euroaziatike dhe afrikane. Qyteti u godit nga një tërmet me madhësi të ngjashme në mars, kur një tjetër tërmet arriti në magnitudë 4.4.

Disa shërbime lokale trenash në zonën e Napolit u pezulluan të hënën pas një tërmeti me magnitudë 4.6.

Shërbimet u pezulluan pas zbatimit të një protokolli në rastet e aktivitetit sizmik me një magnitudë mbi 4.0. 





Lajmet e fundit nga