web counter
LEXO PA REKLAMA!

SHKARKO APP

App Store
Google Play

Greqia shtrëngon rregullat për shitjen e produkteve të duhanit dhe alkoolit te fëmijët

30 Qershor 2025, 15:30, Kosova & Bota CNA

Greqia shtrëngon rregullat për shitjen e produkteve të duhanit

Greqia po shtrëngon rregullat për shitjen e produkteve të duhanit dhe alkoolit te fëmijët, sipas ministrit të Shëndetësisë Adonis Georgiades.

Që tani e tutje, shitja e produkteve të duhanit te të miturit do të ketë pasoja penale dhe nuk do të jetë e mundur që të rriturit t'i dërgojnë fëmijët e tyre të blejnë cigare, gjë që ka qenë praktikë e zakonshme në Greqi për dekada të tëra, bazuar në shpejgimet e ministrit në një intervistë.

“Po hartojmë një projektligj shumë të rreptë për të mbrojtur të miturit tanë si nga alkooli ashtu edhe nga duhani. Punonjësi i kioskës, për t'i dhënë dikujt një pako cigare, duhet të kërkojë identifikim dhe të vërtetojë se është i rritur, përndryshe është penalisht përgjegjës”,-tha Georgiades.

Rregulli ishte planifikuar të publikohej në Gazetën Zyrtare të qeverisë.

Projektligji do të prezantojë gjithashtu një kufi për sasinë e nikotinës në qeset e duhanit. Kontrollet mbi këto produkte kishin zbuluar se disa qese kishin 70 gramë nikotinë, por projektligji do ta ulë këtë kufi në 16 gramë./CNA





Lajmet e fundit nga