Strategjia e Putinit/ Një sulmi i ri ndaj Kievit dhe vazhdimësi e politikave staliniste

6 Shkurt 2023, 08:44, Kosova & Bota CNA

Strategjia e Putinit/ Një sulmi i ri ndaj Kievit dhe vazhdimësi e

Moska po përgatit një sulm të ri ushtarak ndaj kryeqytetit të Ukrainës Kiev. Sipas kryeministrit polak Mateush Moraviecki, strategjia e Vladimir Putinit parashikon një ofensivë të njëkohshme nga tre drejtime për të rrethuar forcat ukrainase.

Në një intervistë të dhënë për gazetën gjermane “Bild”, kreu i qeverisë polake tha se Rusia ka mobilizuar 200.000 deri në 500.000 ushtarë, ndërsa aktualisht po grumbullon armatime dhe furnizime.

Bazuar në të ashtuquajturën “Doktrina Gerasimov”, sipas emrit të komandant të ri të përgjithshëm i ushtrisë pushtuese ruse, Moraviecki theksoi se nuk mund të përjashtohet mundësia e një sulmi të ri nga Bjellorusia për ta rrethuar Kievin nga pjesa perëndimore.

Sipas të dhënave të siguruara deri më tani nga shërbimet e sigurisë dhe ato sekrete të Ukrainës por edhe vendeve të NATO-s, ofensiva e re e Moskës mund të fillojë në mars ose prill, kur të jetë larguar balta dhe jetë tharë toka moçalore.

I pyetur nga gazeta gjermane nëse e konsideroni realist skenarin e përmbysjes nga pushteti të presidentit aktual turk, kryeministri polak u përgjigj: “Nga njëra anë, nuk do të mbaj shumë shpresë tek ky skenar. Nga ana tjetër, e njoh mirë historinë e disa revolucioneve ku qetësia pasohet nga qetësia, derisa të fillojnë trazirat në rrugë dhe më pas vijnë revolucionet apo ndryshimet e qeverisë. Për këtë arsye nuk do ta përjashtoja tërësisht si mundësi”.

Sa i përket pasojave të një skenari të tillë, Moraviecki është shumë qartë: “Mendoj se presidenti rus është një njeri shumë i keq. Por po ashtu gjykoj se ai nuk është kushti i vetëm për t`i dhënë fund kësaj lufte, sepse pas tij mund të ngjitet në krye një “Putin” tjetër edhe më keq. Pra, nuk është i vetmi faktor”.

Ndërkohë, Kremlini po përdor retorikën e Stalingradit për të mbuluar humbjen gjithnjë e më serioze të trupave që po pëson në Ukrainë. Putin shkoi në Volgograd, qyteti ku 80 vite më parë përfundoi beteja më e përgjakshme në histori.

Një masakër me mbi 2 milionë të vdekur, që shënoi “gjysmën” përfundimtare të Luftës së Dytë Botërore dhe fillimin e disfatës së trupave të Adolf Hitlerit. Ajo betejë kolosale u zhvillua në brigjet e Vollgës dhe kishte si qendër qytetin që në atë kohë quhej Stalingrad, Vollgogradi aktual që për një ditë ishte kryeqyteti i një Rusie që në përvjetorin e asaj fitoreje, kërkoi një shtysë të mëtejshme për të përballuar një tjetër masakër, atë të konfliktit kundër Kievit.

Vladimir Putin nuk hezitoi të bënte një paralelizëm midis rezistencës kundër Adolf Hitlerit dhe pushtimit të Ukrainës. Pa e kuptuar aspak që palët janë kthyer tashmë në pozita të kundërta dhe që rezistenca ndaj pushtuesit është sot ajo që po përjetojnë ukrainasit në lëkurën e tyre.

Duke zbuluar metamorfozën sovjetike të liderit të Kremlinit, në Volgograd u përurua një bust i diktatorit Josif Stalin. Që kur Putin mori pushtetin në Rusi në vitin 2000, ka pasur një kor justifikuesish dhe nacionalistësh në rritje në lidhje me rolin e despotit në histori.

Aq sa historianët e kanë denoncuar vazhdimisht rehabilitimin gradual të figurës së Stalinit në vend. Më shumë se sa krahasime dhe evokim të së kaluarës, busti i Stalinit për 80-vjetorin e betejës së Stalingradit nxjerr në pah vazhdimësinë me protagonistin e 31 viteve më të përgjakshme dhe më tragjike të historisë ruse.

Tridhjetë e një vjet, aq sa zgjati regjimi stalinist, i dëbimeve dhe masakrave të kundërshtarëve politikë dhe të popujve të tërë, me një numër prej dhjetëra miliona viktimash dhe tmerresh që ndoshta mund të konkurronin me humnerën e njerëzimit që nxiti Hitleri dhe regjimet nazi-fashiste.

Përkthyer nga CNA.al