E fundit!

23:00 Aktualitet

Zgjedhja e ekipit drejtues të PD-së/ Vijon numërimi i votave në selinë blu

Vijon procesi i numërimit të votave për zgjedhjen e strukt...

Shpërthim i ri vullkanik/ Llava rrjedh drejt qytetit islandez

17 Mars 2024, 13:05, Kosova & Bota CNA

Autoritetet islandeze kanë shpallur gjendje të jashtëzakonshme të dielën në veri të Islandës, pas një shpërthimi të ri vullkanik në Gadishullin e Reikjanes.

Ky ishte shpërthimi i katërt vullkanik në këtë gadishull prej dhjetorit të kaluar.

Besohet se ky është shpërthimi më i fuqishëm deri tani. Llava e zjarrtë ka rrjedhur deri te muret mbrojtëse përreth qytetit të evakuuar, Grindavik, njoftuan autoritetet.

Shpërthim i ri vullkanik/ Llava rrjedh drejt qytetit islandez

Njerëzit janë larguar edhe nga Blue Lagoon spa, njëri prej atraksioneve më të mëdha turistike të Islandës.

Hapësira ajrore e Islandës mbetet e hapur.

Sipas autoriteteve, shpërthimi i vullkanit nisi në orën 20:00 të shtunën, në veri të Grindavikut, në lokacionin ku kishte nisur shpërthimi edhe më 8 dhjetor.

Qyteti me 3.800 banorë afër aeroportit kryesor të Islandës u evakuua më 10 nëntor kur një sërë tërmetesh shkaktuan çarje të tokës mes Grindavikut dhe Sylingarfellit, një qytet i vogël bjeshkor në veri.

Shpërthim i ri vullkanik/ Llava rrjedh drejt qytetit islandez

Disa banorë që ishin kthyer në Grindavik, u detyruan të evakuohen përsëri të shtunën.

Vullkani filloi të shpërthejë përfundimisht më 18 dhjetor, duke lëshuar llavë në drejtim të Grindavik. Një shpërthim i dytë ndodhi më 14 janar dhe llava e tij rrodhi drejt qytetit.

Muret mbrojtëse të cilat ishin forcuar pas shpërthimit të parë e ndalën një pjesë të llavës, por disa ndërtesa u gllabëruan nga llava.

Shpërthim i ri vullkanik/ Llava rrjedh drejt qytetit islandez

Dy shpërthimet e para zgjatën pak ditë. Shpërthimi i tretë ndodhi më 8 shkurt dhe zgjati pak orë.

Në Islandë ndodh shpërthimi i një vullkani çdo katër-pesë vjet mesatarisht. Më 2010 ndodhi shpërthimi i vullkanit Eyjafjallajokull, më i madhi në vitet e fundit, duke lëshuar re të mëdha hiri në atmosferë, gjë që shkaktoi mbylljen e hapësirave ajrore nëpër Evropë./ REL