web counter
LEXO PA REKLAMA!

SHKARKO APP

App Store
Google Play

E fundit!

x

Lufta në Ukrainë/ Rusia: Kemi vrarë 171 mercenarë nga Kosova dhe Shqipëria

16 Mars 2024, 20:32, Kosova & Bota CNA

Lufta në Ukrainë/ Rusia: Kemi vrarë 171 mercenarë nga Kosova

Ministria ruse e Mbrojtjes pretendon se në Ukrainë po marrin pjesë mbi 13 mijë mercenarë të huaj.

Sipas një deklarate nga kjo ministri, thuhet se që nga 24 shkurti i vitit 2022, numri i përgjithshëm i mercenarëve të huaj që kanë mbërritur në Ukrainë është 13,387.

Duke mos dhënë detaje se nga i kanë marrë këto të dhëna, kjo ministri thotë se deri më tani është konfirmuar vrasja e 5962 prej tyre.

Lideri i padiskutueshëm për sa i përket numrit të luftëtarëve të vrarë, sipas Moskës zyrtare, është Polonia me 2960 mercenarë, nga të cilët 1497 të vrarë.

Në listë, Rusia ka përfshirë edhe Kosovën e Shqipërinë me 191 dhe 192 ushtarë që pretendon se kanë shkuar për të luftuar në krah të Ukrainës.

Gjithnjë sipas këtyre shifrave, thuhet se 84 ushtarë nga Kosova tashmë janë vrarë në këto luftime, kurse nga Shqipëria 87.

Në listën e publikuar nga kjo ministri, thuhet se mercenarë ka edhe nga SHBA, Britania, Rumania, Gjermania e vende tjera evropiane, amerikane, aziatike, afrikane e australiane.

Vlen të theksohet se edhe Serbia është përfshirë në këtë listë, por me vetëm një mercenar, dhe i njëjti ende nuk është vrarë, sipas Rusisë.

Ministria ruse e mbrojtjes nuk ka treguar se nga i ka marrë këto shifra./ CNA

Lufta në Ukrainë/ Rusia: Kemi vrarë 171 mercenarë nga Kosova





Lajmet e fundit nga