web counter
LEXO PA REKLAMA!

SHKARKO APP

App Store
Google Play

Shefi i NATO-s nuk ka ndërmend të zgjasë mandatin

13 Shkurt 2023, 12:22, Kosova & Bota CNA

Shefi i NATO-s nuk ka ndërmend të zgjasë mandatin

Shefi i NATO-s, Jens Stoltenberg, nuk ka ndërmend të zgjasë mandatin e tij për herë të katërt, tha të dielën aleanca ushtarake.

"Mandati i Sekretarit të Përgjithshëm, Jens Stoltenberg, u zgjat tri herë dhe ai shërbeu gjithsej gati nëntë vjet," tha zëdhënësja Oana Lungescu.

Mandati i Sekretarit të Përgjithshëm skadon në tetor të këtij viti dhe ai nuk ka ndërmend të kërkojë një vazhdim tjetër të mandatit të tij.

Deklarata vjen pas një raporti të gazetës gjermane "Welt am Sonntag" se shtetet anëtare donin që ai të qëndronte edhe më tej në post teksa Rusia po bën luftë në Ukrainë.

Ish-kryeministri norvegjez e mori postin e tij në selinë e NATO-s në Bruksel në tetor 2014.

Diplomatët nga disa shtete të NATO-s kishin spekuluar gjithashtu se mandati i Stoltenberg-ut mund të zgjatet përsëri deri në një samit vitin e ardhshëm për të shënuar 75-vjetorin e aleancës.

Shefi i NATO-s nuk ka ndërmend të zgjasë mandatin
Ministri gjerman i Mbrojtjes, Boris Pistorius pret Jens Stoltenberg

Stoltenberg-u është aktualisht Sekretari i Përgjithshëm i NATO-s, i dytë më i gjatë në detyrë, i eklipsuar vetëm nga holandezi Joseph Luns, i cili e mbajti postin nga viti 1971 deri në 1984.

Ai vlerësohet veçanërisht për zbutjen e një mosmarrëveshjeje midis ish-presidentit të SHBA-së, Donald Trump dhe aleatëve europianë mbi shpenzimet e mbrojtjes.

Personeli i fundit i NATO-s dhe forcat amerikane u larguan nga Afganistani në gusht 2021, dhe Stoltenberg-u gjithashtu mbikëqyri përgjigjen e NATO-s ndaj pushtimit rus të Ukrainës dhe luftës në vazhdim.

Krerët e NATO-s pritet të emërojnë një sekretar të ri të përgjithshëm deri në korrik, kur ata të takohen për një samit në Vilnius./DW





Lajmet e fundit nga