web counter
LEXO PA REKLAMA!

SHKARKO APP

App Store
Google Play

E fundit!

x

Seanca dëgjimore në Kongresin Amerikan/ Maxwell refuzon t'u përgjigjet pyetjeve në lidhje me Epstein

9 Shkurt 2026, 19:10, Kosova & Bota CNA

Seanca dëgjimore në Kongresin Amerikan/ Maxwell refuzon t'u

Ghislaine Maxwell, bashkëpunëtorja e dënuar e abuzuesit seksual Jeffrey Epstein, ka refuzuar t’u përgjigjet pyetjeve të Komitetit Mbikëqyrës të Dhomës së Përfaqësuesve të SHBA-së.

Maxwell mori pjesë virtualisht në seancë për dëshmi me dyer të mbyllura nga burgu i Teksasit ku po vuan një dënim me 20 vjet burg për trafikim seksual.

Kryetari i Komitetit Mbikëqyrës të Dhomës së Përfaqësuesve, James Comer, tha se siç pritej, Maxwell iu referua Amendamentit të Pestë, duke shfrytëzuar të drejtën e saj për të heshtur.

"Kjo është padyshim shumë zhgënjyese. Kishim shumë pyetje për të bërë në lidhje me krimet që ajo dhe Epstein kryen, si dhe pyetje në lidhje me bashkëpunëtorët e mundshëm. Ne sinqerisht duam të gjejmë të vërtetën për popullin amerikan dhe drejtësi për të mbijetuarit, për këtë bëhet fjalë në këtë hetim", u shpreh Comer.

Amendamenti i Pestë i Kushtetutës së SHBA-së u jep amerikanëve të drejtën që të refuzojnë t'i përgjigjen pyetjeve ndërsa janë nën betim. Maxwell u dënua në vitin 2021 për rolin e saj në joshjen e vajzave të mitura që Epstein, t'i shfrytëzonte. Epstein vdiq në burg në vitin 2019. Ajo po kërkon falje nga Trump dhe është akuzuar se ka gënjyer zyrtarët federalë.

Trump ka mohuar vazhdimisht çdo shkelje në lidhje me Epstein, me të cilin ai thotë se i ndërpreu kontaktet dekada më parë, dhe nuk është akuzuar për ndonjë krim nga viktimat e Epstein.

Deklarata e së hënës ishte planifikuar fillimisht për gushtin e kaluar, por u shty nga Comer pas një kërkese nga avokatët e Maxëell për të pritur një vendim të Gjykatës së Lartë në lidhje me çështjen e saj.

Dëshmia vjen ndërsa Departamenti Amerikan i Drejtësisë ka publikuar miliona faqe me dosje të reja nga hetimi i tij ndaj financierit të dënuar për abuzim seksual, pasi një ligj që detyronte zbulimin e tyre u miratua nga Kongresi vitin e kaluar. /CNA





Lajmet e fundit nga