web counter
LEXO PA REKLAMA!

SHKARKO APP

App Store
Google Play

E fundit!

x

Plani i SHBA-ve për paqe në Gaza/ Hamas: Nuk do t’i dorëzojmë armët, do ketë rezistencë

8 Shkurt 2026, 22:36, Kosova & Bota CNA

Plani i SHBA-ve për paqe në Gaza/ Hamas: Nuk do t’i

Një zyrtar i lartë i organizatës palestineze Hamas, Khaled Meshaal, tha sot se Hamas nuk do t’i dorëzojë armët e saj dhe nuk do të pranojë sundim të huaj në Rripin e Gazës, pavarësisht presionit nga SHBA-ja dhe Izraeli për t’u çarmatosur.

Meshaal tha se kërcënimi me kriminalizim të “rezistencës” dhe armëve të saj është i papranueshëm dhe se armët janë një pjesë thelbësore e rezistencës kundër Izraelit për palestinezët nën okupim.

“Sa të ketë okupim, do të ketë rezistencë,”-tha ai, duke theksuar se kjo është e drejtë e popujve nën pushtim dhe një burim krenarie kombëtare.

Ai u shpreh gjithashtu kundër çdo formë “sundimi të huaj” në Gaza dhe nënvizoi se palestinezët duhet të qeverisen nga palestinezët.

Plani i paqes i ndërmjetësuar nga SHBA-ja parashikon fazën e dytë të armëpushimit në Gaza, e cila përfshin çarmatosjen e Hamasit dhe tërheqjen graduale të forcave izraelite. Por Hamasi ka bërë të qartë se çarmatosja është një “vija e kuqe” që nuk do ta pranojë.

Sipas zyrtarëve izraelitë, Hamasi ende disponon rreth 20,000 luftëtarë dhe dhjetëra mijëra armë brenda Gazës./CNA





Lajmet e fundit nga