E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

Prokuroria e Hagës kërkoi 180 vite burg për ish-krerët e UÇK-së/ Reagon Vjosa Osmani

9 Shkurt 2026, 16:07, Kosova & Bota CNA

Prokuroria e Hagës kërkoi 180 vite burg për ish-krerët e

Presidentja e Kosovës, Vjosa Osmani, ka reaguar pasi Prokuroria e Hagës kërkoi 45 vite burg për ish-krerët e UÇK-së, Hashim Thaçi, Kadri Veseli, Jakup Krasniqi dhe Rexhep Selimi. Në një reagim në "Facebook", Osmani shprehet se Serbia ndër shekuj ka kryer gjenocide dhe krime kundër njerëzimit kundër popullit të Kosovës.

Ajo shton ndër të tjera se çdo përpjekje që tenton të barazojë luftën çlirimtare të UÇK-së me krimet e agresorit serb e minon besimin në drejtësi dhe e dëmton rëndë paqen afatgjatë. Presidentja Osmani thekson se lufta e UÇK-së ishte e drejtë dhe e pastër dhe se kjo e vërtetë nuk mund të ndryshohet.

Reagimi i Osmanit:

Pavarësia e Kosovës ishte vullnet i popullit të Kosovës. Ishte sakrificë shekullore për të cilën dhanë jetën mijëra dëshmorë e civilë të pafajshëm e për të cilën luftuan, me heroizëm dhe me luftë të pastër, Ushtria Çlirimtare e Kosovës.

Gjenocidi, krimet kundër njerëzimit dhe krimet e luftës janë krime që Serbia i kreu kundër popullit të Kosovës ndër shekuj.

Gjatë luftës së fundit në Kosovë, Serbia kishte për qëllim shfarosjen e popullit shqiptar, qëllim të cilin e shpërfaqi nëpërmjet vrasjes dhe masakrimit të mijërave fëmijëve, grave, burrave e të moshuarve, dhunimeve të mijëra grave e burrave, shkatërrimit të qindra mijëra shtëpive, dëbimit të mbi 80% të qytetarëve të Kosovës nga shtëpitë e tyre, spastrimit etnik, zhdukjes me dhunë të mijëra personave dhe krimeve të tjera të llahtarshme.

Çdo përpjekje që tenton të barazojë luftën çlirimtare të UÇK-së me krimet e agresorit gjenocidal serb e minon besimin në drejtësi dhe e dëmton rëndë paqen afatgjatë.

Kosova dhe qytetarët e saj kërkojnë drejtësi. Lufta e UÇK-së ishte e drejtë dhe e pastër. Kjo e vërtetë nuk ndryshohet me tentime për ta rishkruar historinë dhe për ta njollosur dhe zhvleftësuar betejën e popullit të Kosovës për liri.

Kujtojmë se Prokuroria e Hagës ka kërkuar nga 45 vite burg për ish-krerët e UÇK-së, Hashim Thaçi, Kadri Veseli, Jakup Krasniqi dhe Rexhep Selimi. Prokurorja West ka thënë se nuk kërkohet dënim për Shtabin e Përgjithshëm të UÇK-së, por për personat e akuzuar, duke kërkuar 45 vjet burgim. Në Hagë ditën e sotme nis faza përfundimtare e procesit gjyqësor ndaj Thaçit, Veselit, Krasniqit dhe Selimit. Nga sot deri më 18 shkurt do të zhvillohen deklarimet përmbyllëse. /CNA