web counter
LEXO PA REKLAMA!

SHKARKO APP

App Store
Google Play

Samiti i Koalicionit të Vullnetmirëve në Paris/ Çfarë përfshihet në draft-deklaratën e përgatitur nga aleatët e Ukrainës

6 Janar 2026, 17:37, Kosova & Bota CNA

Samiti i Koalicionit të Vullnetmirëve në Paris/ Çfarë

Aleatët e Ukrainës janë shprehur se garancitë e sigurisë duhet të përfshijnë angazhime të detyrushme për të mbështetur Kievin në rast të një sulmi të armatosur në të ardhmen nga Rusia. Kështu thuhet në një draft-deklaratë të përgatitur përpara samitit të Parisit.

Presidenti i Francës, Emmanuel Macron ka pritur më shumë se 25 liderë ndërkombëtarë pasditen e sotme në Pallatin Elysée, përfshirë presidentin ukrainas Volodymyr Zelensky, për një takim të Aleancës së të Gatshmëve, aleatëve të Ukrainës

I dërguari special i Presidentit të SHBA-së Donald Trump, Steve Witkoff dhe dhëndri i Trump, Jared Kushner, marrin gjithashtu pjesë në samit. Në draft-deklaratë thuhet se angazhimet ndaj Ukrainës mund të përfshijnë përdorimin e kapaciteteve ushtarake, mbështetjes së inteligjencës dhe logjistikës, iniciativave diplomatike, si dhe miratimin e sanksioneve shtesë.

Takimi synon të finalizojë sa më shumë kontribute të jetë e mundur për garancitë e ardhshme të sigurisë në mënyrë që të sigurojë Kievin në rast të një armëpushimi me Rusinë. Në draft theksohet po ashtu progresi i bërë në javët e fundit në bisedimet mbi garancitë e sigurisë, megjithëse Moska nuk ka dhënë asnjë shenjë publike se do të pranonte marrëveshje të tilla.

Deri vonë, pjesa më e madhe e vëmendjes ishte përqendruar në angazhimet për ndihmë ushtarake për forcat ukrainase dhe kontributet e mundshme në një forcë ndërkombëtare paqeruajtëse. Diplomatët thonë se vëmendja tani po zhvendoset në garancitë ligjërisht të detyrueshme për të ndihmuar Kievin në rast të një sulmi të ri nga Moska.

Kievi ka thënë prej kohësh se nuk mund të jetë i sigurt pa garanci të krahasueshme me marrëveshjen e mbrojtjes së ndërsjellë të aleancës së NATO-s (e njohur si Neni 5) për të parandaluar Rusinë të sulmojë përsëri. Moska dëshiron që çdo marrëveshje paqeje ta përjashtojë Ukrainën nga aleancat ushtarake. /CNA





Lajmet e fundit nga