web counter
LEXO PA REKLAMA!

SHKARKO APP

App Store
Google Play

E fundit!

x

Sulme të reja izraelite në pjesët jugore dhe lindore të Libanit

5 Janar 2026, 22:49, Kosova & Bota CNA

Sulme të reja izraelite në pjesët jugore dhe lindore të

Forcat Mbrojtëse Izraelite (IDF) kanë bombarduar sot disa zona në Libanin jugor dhe lindor, për të cilat më parë kishin lëshuar një urdhër evakuimi, duke pretenduar se objektivat e operacionit ishin infrastruktura e Hezbollahut libanez dhe Hamasit palestinez.

Përmes një postimi në platformën “X”, koloneli Avichai Andrai, zëdhënësi i ushtrisë izraelite, kishte bërë thirrje për evakuimin e katër komuniteteve: Kfar Hatta dhe Annan (jug) dhe Al-Manara dhe Ain al-Tina (lindje).

"Duke qëndruar në këtë zonë, po e vini veten në rrezik", paralajmëroi zëdhënësi i ushtrisë izraelite në postimet që u shoqëruan me harta të zonave specifike.

Pavarësisht një armëpushimi që supozohej të përfundonte më shumë se një vit luftimesh në nëntor 2024, ushtria izraelite ka kryer sulme dhe operacione pothuajse të përditshme në zona të Libanit, kryesisht në jug të vendit, duke pretenduar se po synojnë pozicionet e Hezbollahut dhe Hamasit.

Trupat izraelite gjithashtu mbeten në pesë vende në Libanin jugor që konsiderohen me rëndësi strategjike. Të paktën 350 persona janë vrarë nga sulmet izraelite në Liban që kur armëpushimi hyri në fuqi, sipas një vlerësimi nga Agjencia Franceze e Lajmeve (AFP) bazuar në të dhënat nga Ministria e Shëndetësisë libaneze. /CNA





Lajmet e fundit nga