web counter
LEXO PA REKLAMA!

SHKARKO APP

App Store
Google Play

E fundit!

x

Pas kapjes së Maduro-s/ Delcy Rodriguez betohet si presidente e Venezuelës

6 Janar 2026, 07:54, Kosova & Bota CNA

Pas kapjes së Maduro-s/ Delcy Rodriguez betohet si presidente e

Delcy Rodriguez, ish-zëvendëspresidente e Venezuelës, është betuar zyrtarisht për të udhëhequr vendin e Amerikës së Jugut pas kapjes të Nicolas Maduro-s në një operacion ushtarak të Shteteve të Bashkuara.

Rodriguez u paraqit para Asamblesë Kombëtare të Venezuelës për të bërë betimin e saj.
Duke folur para organit legjislativ, i përbërë kryesisht nga besnikë të qeverisë, Rodriguez riafirmoi kundërshtimin e saj ndaj sulmit ushtarak që çoi në kapjen dhe largimin e Maduro-s dhe gruas së tij, Cilia Flores.

"Vij me dhimbje për rrëmbimin e dy heronjve që po mbahen peng: Presidenti Nicolás Maduro dhe Zonja e Parë Cilia Flores. Betohem se do të punoj pa u lodhur për të garantuar paqen, qetësinë shpirtërore, ekonomike dhe sociale të popullit tonë,"-tha Rodriguez para Asamblesë.

Rodriguez ka shërbyer si presidente në detyrë që nga sulmi i mëngjesit të hershëm që rezultoi në rrëmbim. Shpërthime u raportuan para agimit të së shtunës në kryeqytet, Caracas, si dhe në bazat ushtarake të afërta të Venezuelës dhe disa zona civile.

Ceremonia e betimit u mbikëqyr nga vëllai i Rodriguez, presidenti i Asamblesë Kombëtare, Jorge Rodriguez dhe djali i Maduro-s, Nicolás Maduro Guerra, i cili mbante një kopje të Kushtetutës së Venezuelës.

Anëtarë të tjerë të rrethit të ngushtë të Maduro-s, përfshirë ministrin e Brendshëm Diosdado Cabello dhe ministrin e Mbrojtjes Vladimir Padrino, ishin gjithashtu të pranishëm./CNA 





Lajmet e fundit nga