web counter
LEXO PA REKLAMA!

SHKARKO APP

App Store
Google Play

E fundit!

x

“Situata është shumë kritike”/ Merz: Rimëkëmbja ekonomike, përparësi kryesore e qeverisë për këtë vit

6 Janar 2026, 16:47, Kosova & Bota CNA

“Situata është shumë kritike”/ Merz:

Kancelari gjerman Friedrich Merz e ka cilësuar situatën në disa pjesë të ekonomisë gjermane si shumë kritike dhe e ka bërë rimëkëmbjen ekonomike përparësinë kryesore të qeverisë së tij për këtë vit.

Në një letër drejtuar anëtarëve të parlamentit nga Bashkimi Kristian Demokrat (CDU/CSU) dhe Partia Social Demokrate (SPD), Merz ka ndarë përparësitë e tij për vitin 2026.

Në letër ai ka pranuar gjithashtu se vendimet e marra deri më tani nuk e kanë përmirësuar mjaftueshëm konkurrueshmërinë e ekonomisë, ndërsa pranon se situata në disa fusha të ekonomisë është shumë kritike. Sipas tij, këtë vit theksi do të jetë në marrjen e vendimeve të duhura politike për të përmirësuar rrënjësisht mjedisin e biznesit.

Friedrich Merz thekson gjithashtu se kostot e punës dhe energjisë, barrat burokratike dhe tatimore mbeten shumë të larta.

"Zgjidhja e këtyre problemeve do të forcojë besimin në politikë dhe kohezionin social", thekson ai.

Kancelari gjithashtu rithekson angazhimin e tij për të vazhduar me mbështetjen ndaj Ukrainës, por edhe për përpjekjet për një armëpushim që do të ruajë sovranitetin e Ukrainës. /CNA





Lajmet e fundit nga