web counter
LEXO PA REKLAMA!

SHKARKO APP

App Store
Google Play

E fundit!

x

Rreziku i një lufte rajonale/ SHBA-ja dhe Britania, thirrje qytetarëve të tyre të largohen nga Libani

3 Gusht 2024, 22:42, Kosova & Bota CNA

Rreziku i një lufte rajonale/ SHBA-ja dhe Britania, thirrje qytetarëve

Rreziku i shpërthimit të një lufte rajonale në Lindjen e Mesme është tani më i dukshëm se kurrë. Vendimi i SHBA-së për të dërguar anije luftarake dhe një skuadër luftëtarësh në rajon, shënon ndoshta lëvizjen më të madhe të forcave amerikane që nga ditët e para të luftës së Gazës, kur Pentagoni dërgoi dy grupe sulmi avionësh në Lindjen e Mesme duke paralajmëruar grupet militante rajonale që të mos zgjeronin sulmet.

Sekretari amerikan i Mbrojtjes Lloyd Austin urdhëroi vendosjen në zonën e aeroplanmbajtëses Abraham Lincoln dhe anijeve të saj përcjellëse. Një tjetër aeroplanmbajtëse, Theodore Roosevelt, ishte në Gjirin e Omanit të premten dhe u shoqërua nga disa anije të tjera luftarake pasi u larguan së fundi nga Gjiri Persik.

Ky ndryshim e lë të hapur mundësinë që ata të mund të lëvizin në Izrael nëse lundrojnë në perëndim rreth Jemenit drejt Detit të Kuq. Në rajon do të vendosen edhe shkatërrues, të aftë për mbrojtje nga raketat balistike si dhe për sulm, shkruan Ëashington Post.

Forcat ushtarake amerikane janë vënë në gatishmëri të lartë pas kërcënimeve të Iranit për t’u hakmarrë për vrasjen e liderit të Hamasit Ismail Haniya në Teheran ditë më parë, ndërsa lufta në Rripin e Gazës vazhdon.

Rreziku i një lufte rajonale/ SHBA-ja dhe Britania, thirrje qytetarëve
Godina duke u djegur në rajonin Schebaa në jug të Libanit

Ambasada amerikane në Bejrut u bëri thirrje qytetarëve amerikanë që të largohen “me çdo biletë avioni në dispozicion”.

“Ne inkurajojmë ata që dëshirojnë të largohen nga Libani të rezervojnë çfarëdo bilete të disponueshme, edhe nëse fluturimi nuk niset menjëherë ose nuk ndjek rrugën e zgjedhur prej tyre”, thuhet në deklaratë.

Kujtojmë që dhe Britania u ka bërë thirrje qytetarëve të saj që të largohen nga Libani, mes frikës së intensifikimit të një shpërthimi lufte mes Izraelit dhe organizatës libaneze Hezbollah.

Në deklaratën e tij, sekretari i jashtëm i Britanisë u bëri thirrje qytetarëve britanikë që të largohen tani që fluturimet janë të disponueshme.

“Tensionet janë rritur dhe situata mund të përkeqësohet me shpejtësi. Mesazhi im për qytetarët britanikë është i qartë, largohuni tani”, tha David Lammy.

Zyra e Jashtme u ka kërkuar britanikëve që qëndrojnë në Liban që ta raportojnë këtë tek autoritetet e tyre konsullore lokale, në mënyrë që ata të mbahen të informuar për zhvillimet.

Sipas Londrës, personeli ushtarak së shpejti do të vendoset në zonë për të ofruar mbështetje për ambasadat britanike dhe për të ndihmuar qytetarët britanikë.

Helikopterët e Forcave Ajrore Mbretërore do të jenë gjithashtu në gatishmëri për të ndërhyrë nëse është e nevojshme.

“Zgjerimi i konfliktit nuk është në interesin e askujt, pasojat mund të jenë katastrofike,” vuri në dukje David Lammy, duke përsëritur se ai dëshiron de-përshkallëzimin dhe një zgjidhje diplomatike./ CNA





Lajmet e fundit nga