web counter
LEXO PA REKLAMA!

SHKARKO APP

App Store
Google Play

E fundit!

x

Refuzoi shtrëngimin e duarve me sportisten ruse/ Skualifikohet lojtarja ukrainase

28 Korrik 2023, 07:51, Kosova & Bota CNA

Refuzoi shtrëngimin e duarve me sportisten ruse/ Skualifikohet lojtarja

Olga Kharlan, fituese e medaljes së artë olimpike katër herë në skermë, u skualifikua në Kampionatin Botëror të Skermës në Milano të enjten pasi refuzoi të shtrëngonte duart me kundërshtaren e saj ruse.

Pasi Kharlan mposhti Anna Smirnova, një konkurrente ruse, që i ishte bashkuar garës me status neutral, Smirnova i zgjati dorën Kharlan, por kjo e fundit refuzoi dhënien e dorës.

Sipas rregullave një ndeshje skerme nuk përfundon derisa dy lojtarët të kenë përshëndetur njëri-tjetrin dhe të shtrëngojnë duart.

Moszbatimi i këtij rregulli ka penalitete.

Federata ukrainase e skermës tha se Kharlan kishte fituar "bindshëm" dhe do të apelonte skualifikimin.

Disa zyrtarë politikë ukrainas e dënuan skualifikimin, duke e lidhur atë drejtpërdrejt me pushtimin rus të Ukrainës.

Kharlan, 32 vjeç, është ndër sportistet më të mira në botë, pasi ka fituar një medalje të artë në garën ekipore të shpatave në Lojërat Olimpike 2008 në Pekin. Që atëherë, ajo ka gjithashtu dy medalje bronzi dhe një argjend në garat olimpike./CNA.al





Lajmet e fundit nga