web counter
LEXO PA REKLAMA!

SHKARKO APP

App Store
Google Play

E fundit!

x

Kosova, e ashpër me Serbinë/ Mesazh organizatave ndërkombëtare për koreografinë provokuese

27 Korrik 2023, 16:12, Kosova & Bota CNA

Kosova, e ashpër me Serbinë/ Mesazh organizatave

Qeveria e Kosovës ka reaguar për koreografinë provokuese në ndeshjen kundër Fiorentinës në Beograd të Serbisë, ku shfaqej një tank me mbishkrimin “kur ushtria të kthehet në Kosovë”.

Zëvendëskryeministri Besnik Bislimi ka deklaruar me tone të ashpra se i gjithë aparati shtetëror në Serbi është i ndërtuar për propagandë dhune e terrori.

“I gjithë aparati shtetëror në Serbi është i ndërtuar që media, sporti, arti, kultura, shkenca, të përdoren si mjete propagande dhe që të nxisin dhunë, terror, tensione dhe luftë”, ka shkruar Bislimi në rrjetet sociale.

Nga ana tjetër, ministri i Kulturës, Rinisë dhe Sportit, Hajrulla Çeku ka kërkuar të ketë një reagim nga organizatat ndërkombëtare të futbollit, pasi ka theksuar se Serbia po mobilizon tifozëri për mesazhe lufte.

“Koreografia e organizuar në ndeshjen miqësore të futbollit të zhvilluar dje ndërmjet “Yllit të kuq” dhe Fiorentinës në Beograd, tregon qartazi për mendësinë e pandryshuar të Serbisë. Serbia edhe një herë tregoi që nuk e kursen as sportin si platformë për promovimin e politikës së saj luftënxitëse. Kërcënimet me luftë nga stadiumi i futbollit duhet të kundërshtohen nga organizatat ndërkombëtare të futbollit, të cilat i ftojmë për marrjen e masave të duhura ndëshkuese. Këto veprimeve të Serbisë janë të papranueshme, andaj komuniteti ndërkombëtar nuk duhet të qëndrojë në heshtje”, ka nënvizuar Çeku./ CNA.al

 

 





Lajmet e fundit nga