web counter
LEXO PA REKLAMA!

SHKARKO APP

App Store
Google Play

Rashiç u zgjodh nënkryetar i Kuvendit/ Kurti cakton ushtruesin e ri të detyrës së ministrit për Komunitete dhe Kthim

11 Tetor 2025, 16:33, Kosova & Bota CNA

Rashiç u zgjodh nënkryetar i Kuvendit/ Kurti cakton ushtruesin e ri

Kryeministri në detyrë i Kosovës, Albin Kurti ka caktuar Nenad Vukmiroviç, për të ushtruar detyrën e Ministrit për Komunitete dhe Kthim. Vukmiroviç, i cili më herët ka mbajtur postin e zëvendësministrit merr detyrën pasi Nenad Rashiç u zgjodh dje nënkryetar i Kuvendit të Kosovës, nga pakica serbe.

“Kryeministri në detyrë i Republikës së Kosovës, Albin Kurti, ka caktuar zëvendësministrin e deritanishëm për Komunitete dhe Kthim, Nenad Vukmiroviç, ushtrues të detyrës së Ministrit për Komunitete dhe Kthim, pas zgjedhjes së Nenad Rashiç në pozitën e nënkryetarit të Kuvendit të Republikës së Kosovës.

I lindur në Mitrovicën e veriut në prill të vitit 1979, Nenad Vukmiroviç me profesion është inxhinier i diplomuar i elektroteknikës dhe informatikës. Shkollën fillore dhe të mesme i ka përfunduar në Mitrovicën e veriut. Më parë ka qenë edhe Drejtor i Arsimit në Komunën e Mitrovicës së veriut.

Kryeministri Kurti e uron z. Vukmiroviç për përgjegjësinë e re dhe i dëshiron suksese në përmbushjen e detyrave.”, njofton zyra e Kryeministrit të Kosovës.

Me emërimin e Rashiç si nënkryetar Kuvendi, kryeparlamentari Dimal Basha, e shpalli Kuvendin e Kosovës të konstituuar. Rashiç gjatë votimit mori 71 vota për, 9 kundër dhe 24 abstenime. Përveç votave nga deputetët e Lëvizjes Vetëvendosje dhe disa prej deputetetëve të komuniteteve joshumicë joserbe, ai siguroi edhe votat e deputetëve të Lidhjes Demokratike të Kosovës. Deputetët e Partisë Demokratike të Kosovës dhe ata të Aleancës për Ardhmërinë e Kosovës abstenuan, ndërsa Lista Serbe votoi kundër./CNA





Lajmet e fundit nga