web counter
LEXO PA REKLAMA!

SHKARKO APP

App Store
Google Play

Hyn nesër në fuqi sistemi i ri i kontrollit kufitar në 29 vende evropiane

11 Tetor 2025, 15:53, Kosova & Bota CNA

Hyn nesër në fuqi sistemi i ri i kontrollit kufitar në 29 vende

Një sistem i ri i menaxhimit dixhital të hyrje/daljeve në kufi do të bëhet funksional nga nesër në 29 vende evropiane. Në një komunikatë për shtyp, Këshilli i Europës njofton se ky sistem do të përmirësojë efektivitetin dhe efikasitetin e kontrolleve në kufijtë e jashtëm të BE-së.

Sistemi i ri do të regjistrojë në mënyrë dixhitale hyrjet dhe daljet, si dhe të dhënat nga pasaporta, gjurmët e gishtërinjve dhe imazhet e fytyrës së personave nga shtetet jo anëtare të BE-së që udhëtojnë për qëndrime të shkurtra në shtetet anëtare të BE-së.

Ky sistem i ri i menaxhimit të kufijve (ESS), sipas KiE, do të rrisë sigurinë e zonës Schengen dhe do të kontribuojë në parandalimin e migrimit të parregullt.

Duke qenë se regjistron në mënyrë dixhitale informacionin nga pasaporta dhe të dhënat biometrike, EES mund të ofrojë informacion në kohë reale nëse njerëzit kanë përmbushur periudhën e tyre të autorizuar të qëndrimit në zonën Shengen. 

Në komunikatë thuhet se sistemi do të zbatohet gradualisht (duke u lejuar vendeve të BE-së të fillojnë duke e përdorur atë në disa pika kufitare dhe me më pak funksionalitete) dhe do të bëhet plotësisht funksional pas gjashtë muajsh, që nga 10 prilli 2026./CNA





Lajmet e fundit nga