web counter
LEXO PA REKLAMA!

SHKARKO APP

App Store
Google Play

E fundit!

x

Prigozhin: 99% e pjesëtarëve të Wagnerit janë larguar nga Bahmuti

3 Qershor 2023, 12:55, Kosova & Bota CNA

Prigozhin: 99% e pjesëtarëve të Wagnerit janë larguar nga

Udhëheqësi i forcës mercenare ruse, Wagner, Yevgeny Prigozhin, ka thënë se gati të gjithë luftëtarët e tij janë larguar prej qytetit ukrainas të Bahmutit.

Prigozhin ka thënë në mbrëmjen e së premtes se, 99 për qind e njësiteve të tij tani janë jashtë Bahmutit.

“Të gjitha pozicionet u janë dorëzuar njësiteve të Ministrisë ruse të Mbrojtjes. Gjithçka është sqaruar”, ka thënë Prigozhin.

Shefi i Wagnerit ka thënë se trupat e tij do të tërhiqen nga linja e frontit, mirëpo do të vazhdojnë të jenë të stacionuara në rajonin lindor ukrainas, Donjeck.

Sipas saj, së fundi nuk janë regjistruar “provokime” nga forcat e armatosura ukrainase.

Komandanti i forcës tokësore ajrore të Ukrainës, Oleksandr Syrskyi, ka thënë se ushtria e tij ka pushuar së luftuari në Bahmut.

Palët kanë luftuar për Bahmutin që disa muaj.

Para se të niste lufta, ky qytet i ka pasur rreth 70.000 banorë.

Ndërkohë, presidenti ukrainas, Volodymyr Zelensky, ka thënë të shtunën për të përditshmen amerikane, Wall Street Journal, se Ukraina është e gatshme të nisë kundërofensivën për të rikthyer kontrollin e territoreve të pushtuara nga forcat ushtarake ruse.

Rusia tani zotëron territor ukrainas në lindje, jug dhe juglindje të shtetit.

Lufta në Ukrainë ka nisur më 24 shkurt 2022.

Presidenti rus, Vladimir Putin, e quan luftën si “operacion special ushtarak” për të çmilitarizuar Ukrainën.

Perëndimi është përgjigjur ndaj Rusisë, duke goditur ekonominë e këtij shteti me sanksione të ashpra.

Si pasojë e luftës kanë vdekur mijëra persona dhe miliona të tjerë janë zhvendosur nga shtëpitë e tyre./ REL





Lajmet e fundit nga