web counter
LEXO PA REKLAMA!

SHKARKO APP

App Store
Google Play

Policia në Brazil parandalon një sulm me bombë në koncertin e Lady Gaga-s

4 Maj 2025, 22:06, Kosova & Bota CNA

Policia në Brazil parandalon një sulm me bombë në koncertin

Një sulm me bombë i planifikuar për koncertin falas të Lady Gaga-s në Brazil është penguar nga policia. Komploti ishte orkestruar nga një grup që promovonte gjuhën e urrejtjes dhe radikalizimin e adoleshentëve, të cilët po paraqiteshin si fansa të yllit të popit.

"Të dyshuarit po rekrutonin pjesëmarrës, përfshirë të mitur, për të kryer sulme të koordinuara duke përdorur eksplozivë të improvizuar dhe kokteje Molotov",-tha policia civile e Rios.

Ministria e Drejtësisë tha se rekrutuesit e identifikuan veten si anëtarë të bazës globale të fansave të Gaga-s, të njohur si "Përbindëshat e Vogël".

Sulmi u pengua pas një informacioni nga inteligjenca policore e Rios, e cila zbuloi qeliza dixhitale që inkurajonin sjelljen e dhunshme midis adoleshentëve.

Një burrë i përshkruar si udhëheqësi i grupit u arrestua në shtetin jugor të Rio Grande do Sul për posedim të paligjshëm të një arme zjarri, ndërsa një adoleshent në Rio de Janeiro u ndalua për ruajtjen e pornografisë së fëmijëve.

Si pjesë e operacioneve, autoritetet kryen një duzinë urdhër-bastisjesh dhe sekuestrimesh në katër shtete.

Lady Gaga mbërriti në Rio në orët e para të së martës, duke shkaktuar entuziazëm ndaj Gaga-manisë në qytet përpara shfaqjes së saj të parë në vend që nga viti 2012 - dhe më e madhja e karrierës së saj deri më tani.

"Sonte, po bëjmë histori... faleminderit që bëtë histori me mua",-i tha ajo turmës prej dy milionësh që ulërinte në plazhin Copacabana.

Shfaqja historike e Lady Gaga-s ishte paguar nga Bashkia e Rios në një përpjekje për të nxitur ekonominë e tyre./CNA

 

 





Lajmet e fundit nga