web counter
LEXO PA REKLAMA!

SHKARKO APP

App Store
Google Play

Vuçiç sëmuret gjatë vizitës në SHBA/ Anulon takimet

3 Maj 2025, 14:59, Kosova & Bota CNA

Vuçiç sëmuret gjatë vizitës në SHBA/ Anulon

Presidenti i Serbisë, Aleksandar Vuçiç, është shtruar në Spitalin Ushtarak në Beograd më 3 maj, raportojnë mediat në Beograd.

Paraprakisht, Vuçiç ishte sëmurë gjatë vizitës në Shtetet e Bashkuara. Ai ishte kontrolluar nga mjekët dhe pas kontrollit kishte vendosur të kthehej në Serbi, sipas transmetuesit publik serb, RTS.

Vuçiç gjendej atje prej pak ditësh, dhe pas takimeve të zhvilluara me zyrtarë amerikane priste të zhvillonte një bisedë edhe me presidentin Donald Trump.

Vuçiç gjatë qëndrimit në SHBA u takua me ish-kryetarin e Nju Jorkut, Rudy Giuliani.

Ai ishte paraparë që të takohej me disa zyrtarë të lartë të Partisë Republikane, para se të ndërpriste vizitën në SHBA.

I dërguari i presidentit amerikan për Misione të Posaçme, Richard Grenell, i ka uruar shërim të shpejtë Vuçiç-it, pasi udhëheqësi serb ndërpreu vizitën papritur.

Në një postim në "X", Grenell po ashtu ka shprehur keqardhje që nuk ka mundur të takohet me udhëheqësin serb.

Sipas agjencisë Tanjug, Vuçiç u sëmur teksa po përgatitej për takimet me kongresistë amerikanë.

Zyra e Presidencës serbe nuk iu përgjigj kërkesës së Radios Evropa e Lirë e Lirë për koment, por RTS-ja ka raportuar se në ditët në vijim publiku do të informohet me detaje lidhur me shëndetin e Vuçiç-it.





Lajmet e fundit nga