web counter
LEXO PA REKLAMA!

SHKARKO APP

App Store
Google Play

Filmonte operacionet ushtarake të NATO-s për spuinazh/ Burgoset një 59-vjeçar në Greqi

3 Maj 2025, 16:25, Kosova & Bota CNA

Filmonte operacionet ushtarake të NATO-s për spuinazh/ Burgoset

Një burrë është akuzuar në Greqi për vepra penale të lidhura me spiunazhin dhe është burgosur në pritje të gjyqit, pasi dyshohet se ka fotografuar dhe filmuar operacione ushtarake në portin strategjik të Aleksandropolis në Greqinë verilindore.

Sipas televizionit shtetëror, duke cituar zyrtarët grekë të zbatimit të ligjit, i dyshuari është një shtetas grek 59-vjeçar i lindur në Gjeorgji dhe është nën hetim për lidhje të mundshme me shërbimet ruse të sigurisë.

Porti shërben si një qendër kyçe logjistike për operacionet e SHBA-së dhe NATO-s, duke lehtësuar lëvizjen e pajisjeve dhe personelit ushtarak në mbështetje të Ukrainës dhe shteteve anëtare të NATO-s në Evropën Lindore.

59-vjeçari, emri i të cilit nuk është bërë i ditur, u arrestua më 29 prill në një operacion të përbashkët nga policia dhe Shërbimi Kombëtar i Inteligjencës i Greqisë.

Autoritetet thanë se ai po vepronte në emër të një individi tjetër dhe ia kishte dërguar regjistrimet atij personi duke përdorur një aplikacion mesazhesh të koduar, por nuk dhanë detaje të mëtejshme.

Por avokati i të pandehurit i tha gjykatës se ai nuk kishte dërguar asnjë informacion të klasifikuar dhe se fotografitë e operacioneve të NATO-s ishin shfaqur gjerësisht në media.

Sipas televizionit shtetëror, duke cituar zyrtarët grekë të zbatimit të ligjit, i dyshuari është një shtetas grek 59-vjeçar i lindur në Gjeorgji dhe është nën hetim për lidhje të mundshme me shërbimet ruse të sigurisë përmes një kontakti në Lituani.

I shoqëruar nga oficerë policie, i dyshuari u paraqit para një magjistrati në Aleksandropolis për një seancë paraprake dëgjimore.

Autoritetet gjyqësore thanë se ai i mohoi të gjitha akuzat, duke shtuar se nuk është caktuar një datë gjyqi./CNA





Lajmet e fundit nga