web counter
LEXO PA REKLAMA!

SHKARKO APP

App Store
Google Play

E fundit!

x

Plani i Kinës mund t'i japë fund luftës/ Putin: Ukraina dhe Perëndimi nuk janë gati për paqe

22 Mars 2023, 07:30, Kosova & Bota CNA

Plani i Kinës mund t'i japë fund luftës/ Putin: Ukraina dhe
Plani i Kinës për të ndaluar luftën mes Ukrainën dhe Rusisë mund të përdoret si bazë për t'i dhënë fund luftës, ka thënë Vladimir Putin.

Por Putin është shprehur se plani mund të paraqitet vetëm kur Perëndimi dhe Ukraina të jenë gati.

Udhëheqësi rus u takua me presidentin kinez Xi Jinping të martën në Moskë për të diskutuar konfliktin dhe marrëdhëniet midis dy vendeve.

Plani i Kinës për paqen midis Rusisë dhe Ukrainës rendit 12 pika dhe përfshin bisedime paqeje dhe respekt për sovranitetin kombëtar, pa propozime specifike për dy vendet.

Por Ukraina ka këmbëngulur që Rusia të tërhiqet nga territori i saj si kusht për çdo bisedë - dhe nuk ka asnjë shenjë se Rusia është e gatshme ta bëjë këtë.

Të hënën, shpërthimet në një pjesë tjetër të Krimesë kishin shkatërruar raketat ruse që transportoheshin me hekurudhë.

Sekretari amerikan i Shtetit, Antony Blinken, tha të hënën se thirrja për një armëpushim përpara se Rusia të tërhiqej "do të mbështeste efektivisht ratifikimin e pushtimit rus".

Në një konferencë të përbashkët shtypi pas përfundimit të bisedimeve me Xi, Putin tha: "Shumë dispozita të planit të paqes kineze mund të merren si bazë për zgjidhjen e konfliktit në Ukrainë, sa herë që Perëndimi dhe Kievi janë gati për të".

Por Rusia ende nuk kishte parë një "gatishmëri" të tillë nga ana tjetër, shtoi ai./ Përshtatur nga CNA.al

 

 





Lajmet e fundit nga