web counter
LEXO PA REKLAMA!

SHKARKO APP

App Store
Google Play

E fundit!

x

A ishte Putin personi që shkoi në Mariupol?/ Zyrtari ukrainas ngre dyshimet e forta

20 Mars 2023, 21:32, Kosova & Bota CNA
A ishte Putin personi që shkoi në Mariupol?/ Zyrtari ukrainas ngre
Presidenti rus, Vladimir Putin

Presidenti rus, Vladimir Putin zhvilloi një vizitë të sigurisë së lartë në qytetin ukrainas të Mariupol, i shkatërruar nga lufta.

Por disa foto të Putin nga kjo vizitë kanë trazuar rrjetin. Zyrtari i Kievit, Anton Gerashchenko, publikoi tre foto të Putin dhe bënte krahasimin mes tyre për nofullën dhe gushën e varur.

Njëra prej fotove ishte ajo e pjesëmarrjes në një fjalim në Asamblenë Federale në Moskë, ndërsa dy të tjrat ishin nga vizitat në Maripuol dhe në portin detar Sevastopol, në Krime më 18 mars.

"Çfarë po ndodh me mjekrën tënde, Putin?", u shpreh ai, duke ngritur aludime se në qytetin ukrainas nuk kishte shkuar vetë presidenti rus, por një sozi e tij.

Këshilltari i ministrit të Brendshëm deklaroi më tej se:

“Duket se kohët e fundit grimerët e tij (d.m.th. për udhëtimet e fundit të bunkerit në Krimenë e pushtuar dhe Mariupol) duhej të punonin me një kopje mjaft cilësore, madje as një të dyfishtë, por një kopje të saj. Pyes veten se cili prej tyre ishte i vërtetë?"

Kjo nuk është hera e parë që ngrihen aludime se presidenti rus përdor sozi për udhëtimet jashtë Moskës.

Kanali “General SVR” në Telegram këmbënguli se Putin nuk kishte qenë në në Sevastopol apo Mariupol, duke përforcuar edhe më shumë dyshimet.

“Informacioni nga burimet e Kremlinit se Vladimir Putin vizitoi Krimenë dhe Mariupolin nuk është i vërtetë”, pohoi kanali duke cituar burime të brendshme.

Ndërkohë, deri më tani për këto lajme nuk ka pasur një reagim nga Rusia./ CNA





Lajmet e fundit nga