web counter
LEXO PA REKLAMA!

SHKARKO APP

App Store
Google Play

Përleshje me thika në Vushtrri/ 3 të arrestuar për lëndim të rëndë trupor

27 Gusht 2025, 18:00, Kosova & Bota CNA

Përleshje me thika në Vushtrri/ 3 të arrestuar për

Gjatë orëve të paradites së sotme, policia në Vushtrri ka arrestuar tre persona të dyshuar për veprën penale ,,Lëndim i rëndë trupor”.

Arrestimi i tyre është realizuar pasi ishte pranuar njoftimi se tre persona ishin përfshirë në një përleshje mes tyre dhe dyshohet se ishin përdorur edhe mjete të forta dhe një mjet i mprehtë(thikë).

Policia e Kosovës bën me dije se tre personat e dyshuar të përfshirë në përleshje kanë pësuar lëndime dhe janë dërguar për tretman mjekësor në emergjencën e QKMF-Vushtrri.

Njëri nga të dyshuarit është dërguar në Spitalin Rajonal në Mitrovicë, e prej aty nën përcjelle policore është dërguar për trajtim të mëtutjeshëm në QKUK dhe sipas raportit mjekësor ai kishte pësuar lëndime të rënda trupore.

Njësitë policore kanë kryer ekzaminimin dhe shikimin e vendit të ngjarjes, janë marrë në pyetje dy persona të dyshuar dhe dëshmitarët dhe është konfiskuar një thikë e cila dyshohet se është përdorur në këtë rast. Të gjitha veprimet hetimore i janë paraqitur prokurorit dhe me udhëzim të tij është iniciuar rasti penal "Lëndim i rëndë trupor”. /CNA





Lajmet e fundit nga