web counter
LEXO PA REKLAMA!

SHKARKO APP

App Store
Google Play

E fundit!

x

BE-ja ndan 7.5 milionë euro për qëndrueshmërinë energjetike të Kosovës

26 Gusht 2025, 13:49, Kosova & Bota CNA

BE-ja ndan 7.5 milionë euro për qëndrueshmërinë

Bashkimi Europian ka ndarë 7.5 milionë euro shtesë për Kosovën në kuadër të Pakos së Mbështetjes Energjetike (IPA 2023), duke e rikonfirmuar mbështetjen e tij për tranzicionin e gjelbër dhe energjinë e pastër në vend.

Fondet u disbursuan më 19 gusht 2025 dhe janë pjesë e ndihmës së përgjithshme prej 75 milionë eurosh që ka ofruar BE-ja deri tani për sektorin energjetik.

“Nga kjo mbështetje, mbi 200,000 familje kanë marrë ndihmë për pagesën e faturave të energjisë, janë rinovuar mbi 3,600 shtëpi për efiçiencë energjetike, 28 objekte banesore të familjeve të cenueshme janë në proces rinovimi, mbi 40,000 familje dhe 154 biznese janë pajisur me panele solare dhe teknologji të kursimit të energjisë. BE-ja qëndron pranë Kosovës dhe popullatës së saj në rrugën drejt energjisë së qëndrueshme, dekarbonizimit dhe sigurisë energjetike”, thuhet në njoftim.

Ministrja në detyrë e Ekonomisë, Artane Rizvanolli, ka deklaruar se tashmë do të mundësojnë 1 mijë e 435 familje dhe 10 biznese.

“Është lëshuar kësti i fundit nga Bashkimi Europian, duke mundësuar disbursimin e mjeteve për 1,435 familje dhe 10 biznese që kanë përfituar në raundin e fundit të subvencioneve për pajisje eficiente të energjisë. Prej vitit 2022, fillimisht përmes masave të Qeverisë së Republikës së Kosovës e tutje me mbështetje të Bashkimit Europian, kemi përkrahur mbi 43 mijë familje dhe biznese me mbi 19.6 milionë euro, duke ulur kostot e energjisë dhe përmirësuar kushtet e jetesës në mbarë vendin”, ka deklaruar Rizvanolli.

Ajo ka falënderuar Bashkimin Europian për partneritetin e vazhdueshëm dhe besimin që e bën të mundur realizimin e programeve të tilla që prekin drejtpërdrejt jetën e qytetarëve tanë.

Me mbështetjen e BE-së në vlerë prej 75 milionë eurosh deri më tani: Mbi 200,000 familje kanë marrë ndihmë për faturat e energjisë.

Mbi 3,600 shtëpi janë rinovuar për eficiencë të energjisë. 28 objekte banesore të familjeve të cenueshme janë në rinovim e sipër.

Mbi 40,000 familje dhe 154 biznese janë mbështetur me pajisje solare dhe pajisje me energji eficiente.

Ndryshe, sipas njoftimit të Zyrës së BE-së në Kosovë, fondet u disbursuan më 19 gusht 2025 dhe janë pjesë e ndihmës së përgjithshme prej 75 milionë eurosh që ka ofruar BE-ja deri tani për sektorin energjetik./ Monitor





Lajmet e fundit nga