web counter
LEXO PA REKLAMA!

SHKARKO APP

App Store
Google Play

Vila ‘Certosa’ e Berlusconit drejt shitjes/ 500 milionë euro për pronën nga një investitor arab

25 Gusht 2025, 21:37, Kosova & Bota CNA

Vila ‘Certosa’ e Berlusconit drejt shitjes/ 500 milionë euro

Vila Certosa, vila ikonike e Silvio Berlusconit në Costa Smeralda të Sardenjës, do të ketë një pronar të ri.

Sipas informacioneve nga mediat italiane, rezidenca historike e trashëguar nga fëmijët e ish-kryeministrit italian është pranë një marrëveshjeje për ta shitur atë te një investitor i panjohur arab, për një çmim që i afrohet 500 milionë eurove.

Procesi është ndërmarrë nga Sotheby's International Realty, në bashkëpunim me Knight Castle Real Estate me seli në Dubai, si dhe një kompani amerikane të specializuar në prona ultra-luksoze.

Siç kishte zbuluar më parë media italiane ‘Corriere della Sera’, ky është një nga transaksionet më të mëdha të kryera ndonjëherë në Itali në sektorin e banesave me vlerë të lartë.

Zonës iu dha statusi "tepër sekret"; roja bregdetare ndalonte këdo që të afrohej brenda një rrezeje prej 500 metrash, ndërsa legjendat pohonin se "pontile 007" - një kalim nëntokësor që të kujton një set xhirimesh të James Bond - ofronte akses sekret për anijet.

Vetë prona është mbresëlënëse: 4500 metra katrorë rezidencë kryesore, me 68 dhoma, 174 vende parkimi, 4 vila, statuja, një amfiteatër greko-romak, një vullkan artificial që "shpërtheu" më 15 gusht, pishina talasoterapie dhe madje edhe një kopsht botanik./CNA 





Lajmet e fundit nga