web counter
LEXO PA REKLAMA!

SHKARKO APP

App Store
Google Play

Patriarku Bartolomeu I, mesazh për Papa Françeskun/ "Shërim të shpejtë vëlla i dashur"

22 Shkurt 2025, 11:08, Kosova & Bota CNA

Patriarku Bartolomeu I, mesazh për Papa Françeskun/

Mesazhet e afërsisë dhe të dashurisë vazhdojnë të mbërrijnë në nivel ndërkombëtar për shëndetin e Papës, shtruar në spitalin Poliklinik Gemelli që nga data 14 shkurt.

Ndër të shumtat, spikat letra që flet për “vëllanë e dashur” Françeskun, të cilit i uron “shërim të plotë” dhe “kthim të shpejtë, me ndihmën e Zotit, në detyrat e tij të shenjta dhe të rëndësishme”.

Firma në urimin “vëllazëror” është e Patriarkut Ekumenik Bartolomeu I, si shkruhet në një shënim të publikuar në faqen e internetit të Patriarkanës.

Një familje e vetme, që lutet për Papën

Patriarku latin i Jeruzalemit, Kardinali Pierbattista Pizzaballa, u bën thirrje besimtarëve të mblidhen "si familje e vetme në fe, të bashkuar në një thirrje të vetme" për "shëndetin dhe mirëqenien" e Françeskut.

“Si familje shpirtërore, thirremi të jemi së bashku, të bashkuar në lutje, - kujton Kardinali në një deklaratë, publikuar në faqen e patriarkatit. I lutemi Zotit me gjithë shpirt gjatë Meshës, në shtëpitë tona e në heshtjen e zemrave tona, vijon Kardinali, ta mbajë Papa Françeskun me shëndet dhe forcë të përtërirë, në mënyrë që të vazhdojë misionin e tij shenjtë në udhëheqje të Kishës me urti, përvujtëri e dashuri”./ CNA





Lajmet e fundit nga