web counter
LEXO PA REKLAMA!

SHKARKO APP

App Store
Google Play

Alarm nga ndotja e ajrit në Maqedoni/ Rritet shkalla e vdekshmërisë

20 Shkurt 2025, 22:25, Kosova & Bota CNA

Alarm nga ndotja e ajrit në Maqedoni/ Rritet shkalla e

Sipas raporteve të Komisionit Evropian (KE) dhe Organizatës për Bashkëpunim Ekonomik dhe Zhvillim, Maqedonia e Veriut ka shkallë të lartë të vdekshmërisë si pasojë e ndotjes së ajrit.

Në Maqedoninë e Veriut, mesatarisht, 3,400 njerëz vdesin çdo vit nga ndotja e ajrit. Kështu ka treguar hulumtimi i fundit i organizatës UNDP dhe Universitetit “Goce Dellçev”.

Qytetarët e Shkupit prej vitesh thithin ajër të rrezikshëm. Kryeqyteti është në krye të listës së qyteteve më të ndotura në botë. Përqendrimi i grimcave të dëmshme për shëndetin në Shkup është 14 herë më i lartë se vlera vjetore e udhëzimeve për cilësinë e ajrit të Organizatës Botërore të Shëndetësisë. Disa studime të UNDP-së tregojnë se burimet kryesore të ndotjes së ajrit të ambientit janë amvisëritë dhe objektet publike që ngrohen me lëndë djegëse fosile.

Në Maqedoninë e Veriut, rreziqet nga ndotja e ajrit janë veçanërisht të larta. Në shkurt 2024, Shkupi ishte edhe një herë në mesin e 10 qyteteve më të ndotura në botë, ndërsa nivelet e PM10 ose PM2.5, mesatarisht, i kalojnë pragjet për më shumë se 100 ditë në vit.

Përveçse është një shkak i konsiderueshëm i vdekjeve të foshnjave, të dhënat e reja tregojnë se ndotja e ajrit shkakton më shumë vite të shëndetshme jete të humbura se çdo faktor tjetër mjedisor, duke përfshirë temperaturat e larta, ujin e pasigurt dhe kanalizimet e dobëta./CNA 

 





Lajmet e fundit nga