web counter
LEXO PA REKLAMA!

SHKARKO APP

App Store
Google Play

E fundit!

x

Papa Françesku, takim me viktimat e abuzimit seksual nga klerikët

3 Gusht 2023, 10:39, Kosova & Bota CNA

Papa Françesku, takim me viktimat e abuzimit seksual nga klerikët

Papa Françesku ka mbajtur një takim privat me viktimat e abuzimit seksual nga klerikët fetarë, në kuadër të një vizite pesëditore në Portugali.

Përmes një deklarate, Vatikani ka thënë se takimi është mbajtur të mërkurën.

Një raport i vitit të kaluar ka treguar se të paktën 4.815 fëmijë janë abuzuar në Portugali dhe se Kisha ka tentuar “sistematikisht” që ta fshehë rastin.

Në një meshë të mbajtur në mbrëmje në Lisbonë, Papa ka thënë se Kisha duhet ta dëgjojë “vajin e viktimave”.

Ai ka shtuar se skandali na drejton kah “pastrimi i vazhdueshëm”, dhe se rritja e zemërimit ka kontribuuar në shkëputje më të madhe të praktikimit të fesë.

Në takimin që është mbajtur te misioni diplomatik i Selisë së Shenjtë në Portugali, kanë marrë pjesë 13 viktima të abuzimit.

Në muajin shkurt, një komision i pavarur, i krijuar nga Kisha Katolike në Portugali, e ka publikuar raportin që tregon për përvojat e 564 personave, që kanë thënë se janë abuzuar nga priftërinjtë apo zyrtarë tjerë të Kishës.

Ky komision – i ngjashëm me komisionet e auditimit që ekzistojnë në Evropë dhe Amerikë – i ka analizuar rastet që datojnë prej vitit 1950.

Në shumë raste dëshmitarët kanë folur edhe për të mitur tjerë të abuzuar, duke e çuar në mijëra shifrën totale.

Teksa i ka prezantuar gjetjet, psikiatri i fëmijëve Pedro Strecht, ka thënë se vlerësimi përfaqëson “minimumin absolut” të rasteve dhe se shifrat janë vetëm “maja e ajsbergut”./ REL





Lajmet e fundit nga