web counter
LEXO PA REKLAMA!

SHKARKO APP

App Store
Google Play

Orban: Ukraina është vite dritë larg BE-së

19 Nëntor 2023, 15:01, Kosova & Bota CNA
Orban: Ukraina është vite dritë larg BE-së
Kryeministri hungarez Viktor Orbán

Kryeministri hungarez, Viktor Orbán, tha se Ukraina është "vite drite" larg anëtarësimit në Bashkimin Evropian.

Duke folur në kongresin e partisë Fidesz, Orbán tha se ai dhe qeveria e tij do të kundërshtojnë bisedimet brenda BE-së në mes të dhjetorit nëse Kievi duhet të nisë zyrtarisht negociatat për t'u bashkuar me bllokun evropian.

Pranimi i një vendi të ri në BE kërkon pëlqimin e të gjithë anëtarëve të Unionit dhe Orban mund të vërë veton ndaj tij, raportoi AP.

Orbán u rizgjodh si president i Fidesz-it për herë të 11-të që nga viti 2003 në kongresin e partisë në Budapest të shtunën.

Ai tha se një nga prioritetet e qeverisë së tij të re do të jetë ndalimi i rrugës së Ukrainës drejt BE-së.

“Detyra jonë është të korrigjojmë premtimin e gabuar, se negociatat me Ukrainën do të fillojnë, sepse Kievi tani është vite dritë larg BE-së”, tha Orban.

Komisioni Evropian në fillim të këtij muaji propozoi fillimin e bisedimeve të pranimit me Ukrainën, duke thënë se qeveria në Kiev "ka demonstruar një nivel të jashtëzakonshëm fuqie institucionale, vendosmëri dhe aftësi për të funksionuar".

Orban thekson se negociatat nuk mund të fillojnë me një vend në luftë dhe se anëtarësimi i Ukrainës do të ndryshonte sistemin e shpërndarjes së fondeve për vendet anëtare të BE-së.

Agjencia amerikane e lajmeve thekson se disa kritikë spekulojnë se Hungaria po reziston për të përfituar nga koncesionet për financimin e miliarda eurove, të cilat Brukseli ia ka mbajtur Budapestit për shkak të shqetësimeve se qeveria ka dështuar të respektojë standardet për sundimin e ligjit dhe të drejtat e njeriut.

Orban kërcënoi gjithashtu se do të bllokonte planin e BE-së për t'i dhënë Ukrainës një paketë ndihme katërvjeçare prej 50 miliardë eurosh.

Ai gjithashtu kritikoi Ukrainën për shkelje të të drejtave të hungarezëve etnikë në Ukrainën lindore për të studiuar në gjuhën e tyre amtare./ CNA





Lajmet e fundit nga