web counter
LEXO PA REKLAMA!

SHKARKO APP

App Store
Google Play

Ofensiva kundër Rusisë/ Zelensky: Përparimi në fushëbetejë ka qenë “më i ngadaltë sa do të dëshironin”

21 Qershor 2023, 16:02, Kosova & Bota CNA

Ofensiva kundër Rusisë/ Zelensky: Përparimi në

Presidenti ukrainas, Volodymyr Zelensky, është shprehur se përparimi në fushëbetejë ka qenë “më i ngadaltë sa do të dëshironin”.

Ofensiva ushtarake e Ukrainës për të rimarrë territoret e pushtuara nga Rusia ka disa javë që ka nisur.

“Disa njerëz besojnë se ky është si një lloj film Hollywood-i dhe presin menjëherë rezultate. Nuk është”, shprehet Presidenti ukrainas.

“Jetët e njerëzve janë në rrezik”, shtoi ai.

Ukraina ka thënë se gjatë kundërofensivës ka rimarrë 8 fshatra në rajonin lindor të Zaporizhiës dhe në rajonin lindor të Donjeskut.

Zelensky theksoi nuk do të jetë e lehtë sepse 200.000 kilometra katrorë të territorit ukrainas janë minuar nga forcat ruse.

“Çfarëdo që mund të duan disa, përfshirë edhe përpjekjet për të na bërë presion, por me gjithë respektin, ne do të përparojmë në fushëbetejë në mënyrë që ne besojmë se është më e mirë”, shtoi Zelensky.

Ai ripërsëriti nevojën që Ukrainës t’i jepen garanci të sigurisë nga NATO, por shtoi se në fund qëllimi i shtetit të tij është anëtarësimi në Aleancën Ushtarake Perëndimore.

Sekretari i Përgjithshëm i NATO-s, Jens Stoltenberg, javën e kaluar e bëri të qartë se nuk ka plane për ofrimin e një ftese për Ukrainën në samitin e muajit të ardhshëm që mbahet në Lituani.

“Stoltenberg e di qëndrimin tim”, tha ndër të tjera presidenti ukrainas./ CNA.al





Lajmet e fundit nga