LEXO PA REKLAMA!

SHKARKO APP

E fundit!

x

“Ishin duke ngrënë drekë, 15 persona i rrethuan”/ Albin Kurti zbulon detaje nga rrëmbimi i 3 policëve

20 Qershor 2023, 16:35, Kosova & Bota CNA
“Ishin duke ngrënë drekë, 15 persona i rrethuan”/
Kryeministri i Kosovës, Albin Kurti

Kryeministri i Kosovës, Albin Kurti dhe ministrja e Jashtme e Kosovës, Donika Gërvalla, mbajtën një konferencë për mediat në lidhje me 3 policët e rrëmbyer.

Kurti tha se shefi i zyrës ndërlidhëse të Kosovës në Serbi ka vizituar sot tre policët e rrëmbyer që po mbahen në paraburgim në Kralevë

Ai u shpreh se 3 policët e rrëmbyer nga forcat speciale serbe, ishin duke ngrënë drekë në momentin që ndodhi ngjarja.

“Përshkrimi se si ka ndodhur rrëmbimi është i njëjtë. Ata thonë se në momentin e rrëmbimit kanë qenë te tryeza e improvizuar, kanë qenë duke ngrënë drekë. Së bashku, kur 15 persona i kanë rrethuar, i kanë sulmuar dhe i kanë rrëmbyer. Të tre kanë qenë bashkë. Të tre e kanë rrëfimin e njëjtë, kur pyeten ndaras nga ambasadori ynë Jetish Jashari”, theksoi Kurti.

Kryeministri i Kosovës u kërkoi ndërkombëtarëve që të dënojnë rrëmbimin e policëve, ndërsa pretendon se Presidenti i Serbisë, Aleksandër Vuçiç, ka shkelur marrëveshjen./ CNA.al

Lajmet e fundit nga