web counter
LEXO PA REKLAMA!

SHKARKO APP

App Store
Google Play

Nuk pranuan 2 avionët me emigrantët e dëbuar/ Trump njofton masa ndaj Kolumbisë

26 Janar 2025, 21:20, Kosova & Bota CNA
Nuk pranuan 2 avionët me emigrantët e dëbuar/ Trump njofton masa
Presidenti i Shteteve të Bashkuara, Donald Trump

Presidenti i Shteteve të Bashkuara Donald Trump tha të dielën se do të vendosë masa ndaj Kolumbisë, përfshirë tarifa, sanksione dhe ndalime udhëtimi, si kundërpërgjigje ndaj vendit të Amerikës së Jugut që refuzoi të pranonte dy avionë ushtarakë amerikanë me emigrantë që po deportoheshin, në kuadër të goditjes së emigracionit të paligjshëm.

Presidenti Trump tha se veprimi i Presidentit kolumbian Gustavo Petro rrezikoi sigurinë kombëtare të Shteteve të Bashkuara dhe ai ka udhëzuar administratën amerikane që të marrë masa si kundërpërgjigje.

Ato përfshijnë vendosjen e tarifave urgjente prej 25 për qind për të gjitha mallrat që hyjnë në Shtetet e Bashkuara, të cilat do të shkojnë deri në 50 përqind brenda një jave; ndalim udhëtimi dhe heqje vizash për zyrtarët e qeverisë kolumbiane dhe aleatët e saj; sanksione emergjente bankare dhe financiare dhe kontroll të zgjeruar në kufi të shtetasve kolumbianë.

"Këto masa janë vetëm fillimi", shkroi zoti Trump në rrjetin Truth Social. "Ne nuk do të lejojmë që qeveria kolumbiane të shkelë detyrimet e saj ligjore në lidhje me pranimin dhe kthimin e kriminelëve që ata dërguan në Shtetet e Bashkuara!"

Refuzimi i Kolumbisë për të pranuar fluturimet është rasti i dytë i një vendi të Amerikës Latine që nuk pranon luturimet e dëbimit të ushtrisë amerikane.

"Shtetet e Bashkuara nuk mund t'i trajtojnë emigrantët kolumbianë si kriminelë", shkroi zoti Petro, duke vënë në dukje se kishte 15,660 amerikanë pa status të duhur emigracioni në Kolumbi./VOA





Lajmet e fundit nga