web counter
LEXO PA REKLAMA!

SHKARKO APP

App Store
Google Play

"Një personazh krejt unik në historinë e Kosovës"/ Kurti kujton Jusuf Gërvallën në ditën e lindjes

1 Tetor 2025, 22:19, Kosova & Bota CNA

"Një personazh krejt unik në historinë e Kosovës"/

Kryeministri në detyrë i Kosovës, Albin Kurti ka kujtuar artistin dhe patriotin Jusuf Gërvalla në ditën e lindjes së tij.

Kurti me anë të postimi në rrjetet sociale, shkruan se Gërvalla në jetën e tij me vetëm 36 vite, formësoi një profil unik në historinë e Kosovës.

Kurti shkruan se këngët dhe poezitë e Gërvallës u kanë mbijetuar kohëve, ashtu siç i ka mbijetuar kohës dhe shemubulli i tij për përkushtimin në angazhim kombëtar.

“Sot është ditëlindja e Jusuf Gërvallës, patriotit, artistit dhe aktivistit politik ndër më të rëndësishmit në historinë politike të Kosovës. Jusuf Gërvalla ka lindur më 1 tetor 1945 në fshatin Dubovik të Deçanit. Ai sot do të bëhej 80-vjeçar, sikur jeta e tij aq intensive, të mos ndërpritej dhunshëm nga një atentat politik i organizuar nga shteti i Serbisë ndaj tij, vëllait të tij Bardhoshit dhe bashkëveprimtarit të tyre Kadri Zekës, më 17 janar 1982, në Gjermani.  

Gjatë jetës së tij të shkurtër që iu ndërpre kur ishte vetëm 36-vjeçar, Jusuf Gërvalla formësoi një profil prej gazetari, poeti, shkrimtari, këngëtari dhe aktivisti politik, brenda figurës së tij, që paraqet një personazh krejt unik në historinë e inteligjiencës kulturore dhe të artistëve të angazhuar polikisht në Kosovë. Këngët dhe poezitë e tij u kanë mbijetuar kohëve, bashkë me shembullin e përkushtimit në angazhim kombëtar dhe thellësisë në mendim politik.

Në tekstin e këngës “Do të kthehem, nënë”, Jusufi i këndonte vendlindjes së tij me këto vargje:

Kaluan pranvera e vjeshta o nanë,

Që kur ti e ndjell veç një kthim,

Nëse vetë nuk do të mundem,

Do i them birit tim.

Në vendlindje le të shtrojë çdo gëzim,

Të lutem jeto me shpresa o nanë,

Se dikush një ditë do të trokllojë,

Në atë vatër ku së pari zëri im jehoi.

Andej nipat do të ngrejnë shtëpinë.

Me këtë tekst kënge në mendje, përtej dhembjeve që përshkojnë kujtimet për fatin e Jusuf Gërvallës, duket aq madhështore që kaq vite pas, ai kujtohet edhe nga aq shumë vizitorë në shtëpinë muze të tij në Dubovik. Sikur sot, sikur çdo vit.

Lavdi Jusuf Gërvallës për gjithë veprën dhe jetën e tij”, shkruan Kurti./CNA





Lajmet e fundit nga