web counter
LEXO PA REKLAMA!

SHKARKO APP

App Store
Google Play

Shefi i OKB-së, Guterres: Të gjitha palët të angazhohen për planin e paqes së SHBA-së për Gazën

30 Shtator 2025, 19:26, Kosova & Bota CNA

 Shefi i OKB-së, Guterres: Të gjitha palët të angazhohen

Sekretari i Përgjithshëm i Kombeve të Bashkuara, Antonio Guterres, u bëri thirrje të gjitha palëve të angazhohen për planin e paqes për Gazën të paraqitur nga Presidenti i SHBA-së, Donald Trump.

“Tani është thelbësore që të gjitha palët të angazhohen për një marrëveshje dhe zbatimin e saj... Ai përsërit edhe një herë thirrjen e tij për një armëpushim të menjëhershëm dhe të përhershëm”,-thotë Farhan Haq, një zëdhënës i Guterres, në një deklaratë.

Shefi i OKB-së tha se përparësia duhet të jetë lehtësimi i vuajtjeve të jashtëzakonshme të shkaktuara nga konflikti shkatërrues që nga sulmet e 7 tetorit.

“Ai përsërit edhe një herë thirrjen e tij për një armëpushim të menjëhershëm dhe të përhershëm, akses të pakufizuar humanitar në të gjithë Gazën dhe për lirimin e menjëhershëm dhe të pakushtëzuar të të gjithë pengjeve dhe shpreson se kjo do të krijojë kushtet që lejojnë realizimin e zgjidhjes me dy shtete”,-tha Guterres.

Hamasi ende nuk i është përgjigjur planit të paqes me 20 pika të Uashingtonit, i cili ka mbështetjen e Izraelit dhe bashkësisë më të gjerë ndërkombëtare. Udhëheqja e Hamasit nuk ishte konsultuar për këtë përpara njoftimit, por u informua mbi detajet nga ndërmjetësuesit e Katarit dhe Egjiptit më vonë të hënën, sipas raportimeve të lajmeve./CNA





Lajmet e fundit nga