web counter
LEXO PA REKLAMA!

SHKARKO APP

App Store
Google Play

"Nga ky proces do të dalim më të fortë"/ Abdixhiku: LDK nuk është parti që frikësohet nga anëtarësia e vet

26 Janar 2026, 12:42, Kosova & Bota CNA

"Nga ky proces do të dalim më të fortë"/

Kryetari i LDK-së, Lumir Abdixhiku ka bërë një reagim në rrjetet sociale në lidhje me mbledhjen e anëtarësisë.

Abdixhiku shkruan se LDK nuk frikësohet nga anëtarësia e vet dhe në kohë më të vështira se kjo aktualja.

Sa i përket mbledhjes të së shtunës, Abdixhiku shprehet se do të diskutohen të gjitha çështjet e partisë.

 

 

Reagimi i Abdixhikut

 

LDK nuk është parti që frikësohet nga anëtarësia e vet, as nga vota, as nga gara. Vendimet e saj i ka marrë gjithmonë në Kuvend, mes njerëzve të vet, hapur, me debat dhe pa frikë; dhe në fund, me shumicë. Edhe në kohë shumë më të vështira se kjo.

Kështu do të veprojmë sërish, këtë të shtunë.

Këtë të shtunë mblidhemi për të diskutuar dhe për të vendosur mbi të gjitha çështjet tona, me vullnet të lirë dhe me votë të lirë, ashtu siç i takon një partie demokratike që respekton anëtarësinë e saj dhe asnjë interes tjetër veç saj. Ky është parimi ynë dhe mënyra jonë e veprimit. LDK nuk di ndryshe.

Koha tani të flasë anëtarësia jonë.

Nga ky proces do të dalim më të fortë, më të organizuar, më funksional e më të përqendruar te e ardhmja e LDK-së dhe e Kosovës.

Sot kam dërguar ftesën zyrtare për delegatët e LDK-së. Të shtunën takohemi për të vendosur drejtimin e shtëpisë sonë./CNA





Lajmet e fundit nga