web counter
LEXO PA REKLAMA!

SHKARKO APP

App Store
Google Play

E fundit!

x

Netanyahu mbërrin në Shtëpinë e Bardhë/ Trump: Shumë i bindur për arritjen e një marrëveshje armëpushimi

29 Shtator 2025, 18:17, Kosova & Bota CNA

Netanyahu mbërrin në Shtëpinë e Bardhë/ Trump:

Presidenti amerikan Donald Trump priti këtë të hënë kryeministrin izraelit Benjamin Netanyahu, i cili mbërriti pak minuta më parë në Shtëpinë e Bardhë.

Në fjalën e tij para gazetarëve të pranishëm, Trump tha se është shumë i bindur se mund të arrihet një marrëveshje armëpushimi.

Të dy udhëheqësit shtrënguan duart dhe shkëmbyen shkurt disa fjalë, teksa Trump iu përgjigj pyetjes së gazetarit përpara se të hynte brenda ambienteve të Shtëpisë së Bardhë.

Netanyahu është zotuar vazhdimisht të vazhdojë ofensivën derisa Hamasi të shkatërrohet, përfshirë qëndrimin e tij vetëm disa ditë më parë në fjalimin e tij sfidues në OKB, në të cilin ai deklaroi se do ta përfundonte punën në Gaza, ndërsa dhjetëra delegatë dolën jashtë sallës.

Propozimi i SHBA-së për t'i dhënë fund luftës në Gaza përmblidhet në një dokument me 21 pika, që inkurajon palestinezët të qëndrojnë në Rripin e Gazës dhe parashikon krijimin e një rruge drejt një shteti të ardhshëm palestinez./CNA

 





Lajmet e fundit nga