web counter
LEXO PA REKLAMA!

SHKARKO APP

App Store
Google Play

Nën dyshimet e spiunimit për Rusinë/ Norvegjia arreston një hulumtues universitar

25 Tetor 2022, 21:34, Kosova & Bota CNA
Nën dyshimet e spiunimit për Rusinë/ Norvegjia arreston një
Policia norvegjeze

Shërbimi norvegjez kundër spiunimit ka arrestuar një burrë që ka punuar në një projekt kërkimor universitar të Norvegjisë, nën dyshimet se është spiun rus.

Burri është arrestuar në qytetin Tromsoe më 24 tetor, ka thënë transmetuesi publik NRK, duke cituar Policinë norvegjeze.

Burri ka arritur në Novegji më 2021, duke u prezantuar si shtetas i Brazilit, mirëpo shërbimet norvegjeze të sigurisë besojnë se ai është rus.

Ky burrë, që nuk është identifikuar, përbën “kërcënim për interesat thelbësore” të Norvegjisë, vend anëtar i NATO-s, andaj duhet të dëbohet, kanë thënë autoritetet.

Shërbimet e sigurisë janë të shqetësuara “se ai mund të ketë siguruar informacione për politikat e Norvegjisë në rajonin verior, dhe Norvegjia nuk dëshiron që ky informacion të jetë në duart e rusëve”.

Avokati i të arrestuarit, ka thënë se klienti i tij mohon çdo keqbërje.

Ai do të qëndrojë në paraburgim për katër javë.

Tromsoe gjendet në veri të Norvegjisë dhe është qindra kilometra larg kufirit me Rusinë.

Sipas autoriteteve të sigurisë, ky burrë ka tentuar të paraqesë veten në Norvegji sipas një identiteti të rremë.

Ai ka marrë pjesë në studimet për luftë hibride.

Unversiteti Arctis i Norvegjisë ka thënë përmes një deklarate se personi i arrestuar ka qenë “ligjërues mysafir” në këtë institucion.

Norvegjia së fundi ka akuzuar një shtetas rus se ka nisur dron mbi territorin norvegjez si dhe ka ndaluar disa rusë, nën akuzat se kanë fotografuar ilegalisht disa zona të ndjeshme./ REL





Lajmet e fundit nga