web counter
LEXO PA REKLAMA!

SHKARKO APP

App Store
Google Play

Në Hajvali gjenden mbetje mortore që dyshohet të jenë të personave të zhdukur gjatë luftës

21 Tetor 2025, 09:31, Kosova & Bota CNA

Në Hajvali gjenden mbetje mortore që dyshohet të jenë

Policia e Kosovës ka njoftuar se në koordinim me Institutin e Mjekësisë Ligjore dhe Komisionin Qeveritar për Persona të Zhdukur, kanë kryer gërmime në varrezat e fshatit Hajvali të Prishtinës më 20 tetor, dhe kanë gjetur mbetje eshtërore të njeriut, që dyshohet të jenë të të paktën tre personave të zhdukur gjatë luftës në Kosovë më 1998-1999.

Policia ka thënë se urdhri është dhënë nga Gjykata Themelore në Prishtinë.

Sipas këtij institucioni, mbetjet mortore janë tërhequr nga Instituti i Mjekësisë Ligjore për ekzaminime dhe që punimet do të vazhdojnë edhe ditëve në vijim.

Gjatë luftës së viteve 1998-’99 në Kosovë janë vrarë rreth 13.000 persona, ndërsa mbi 1.500 vazhdojnë të jenë të zhdukur.

Shumica e të vrarëve ishin civilë shqiptarë.

Kosova dhe Serbia arritën marrëveshje deri më 2023 për Deklaratën e përbashkët për personat e zhdukur, në kuadër të dialogut për normalizimin e marrëdhënieve të ndërmjetësuar nga Bashkimi Europian.

Marrëveshja përfshinte: qasja e plotë në informacione të besueshme, mes tyre edhe ato me status të klasifikuar; vënia në dispozicion të të gjitha dokumenteve me rëndësi për përcaktimin e fatit të personave të zhdukur, si dhe punë e përbashkët përmes një komisioni të kryesuar nga Bashkimi Europian.

Gjithçka vazhdon të mbetet në letër, sepse asnjëra pikë nuk është zbatuar./REL

 





Lajmet e fundit nga